نن په تاريخ کي
۱۳۹۰ آبان ۹, دوشنبه
په تاريخ کي د نن ورځي مهمي پيښي:
د ۱۷۳۳م کال پر همدي ورځ د اتريش څخه د پروتستنتانو وتنه پيل شوه.
د ۱۹۲۲م کال پر نني ورځ فاشسټ مشر بينټو موسوليني، د ايټاليي لومړی وزير شو.
د ۱۹۲۵م کال پر همدغه ورځ د فارس تخت و تاج قبضه کړ، په همدي ورځ د يونان پوځ پر بلغاريي بريد وکړ.
د ۱۹۵۳م کال د اکتوبر پر ۳۱مه نيټه د هندوستان په بيهار کي سيلابونو دوه ميليونه خلک بې کوره کړل.
د ۱۹۵۶م کال پر نني ورځ برتانوي او فرانسوي ځواکونو د سويس په جګړه پر مصر بمباري وکړه.
د ۱۹۶۸م کال پر همدي ورځ د امريکا متحده ايالاتو ولسمشر، لينډن جانسن، د شمالي ويتنام په وړاندي د امريکا له لوري ټولي بمبارۍ ودرولې، او د سولي له پاره د ګټورو خبرو اترو هيله يې وښووله.
د ۱۹۸۴م کال د اکتوبر پر ۳۱مه نيټه د هند لومړۍ وزيره، اندرا ګاندهي، د خپل سکهـ ساتونکي له لوري ووژل سوه. تر دغي وژني وروسته شاوخوا دوه زره سکهان ووژل شول.
د ۱۹۹۵م کال پر نني ورځ په شمالي عراق کي د دولت د اپوزيسون په مرکزي دفترونو کي د چاودونو له امله ۲۲تنه ووژل شول.
د ۱۹۹۹م کال پر همدي ورځ د مصر يوه الوتکه چي د نيويارک څخه مصر ته الوتله، د ۱۰زره ميترو تر لوړيدو وروسته د اتلانتيک په سمندر کي راولويده، چي پکښي سپاره ټول ۲۱۷تنه انسانان ووژل شول.
د ۲۰۰۳م کال د اکتوبر پر ۳۱مه نيټه لومړي وزير مهاتير محمد د ماليزيا د مشري څخه لاس پر سر شو.
اژانسونه/ سيدرياض
کتونکي: نجيب الله زيارمل