هالنډ: د پناه غوښتني په اړه راپور وروسته د يوه وزير استعفا

په هالنډ کي د پناه غوښتونکو د جنايي جرمونو په هکله يوې احصايي د خلکو قهر او غوسه راوپارولې ده. داسي ښکاري چي پر سختو جنايي کړنو پرده اچول سوې وي. اوس په دې اړه يو رپوټ د يوه وزير د ستعفا په بيه تمام سو.

د پناه غوښتونکو د جنايي جرمونو په اړه يوه رپوټ د دې سبب سو چي د هالنډ د مهاجرو چارو وزير مارک هاربيرس له خپلي دندې لاسه واخلي.

پر هغه تور لګول کيږي چي د مهاجرو د جنايي جرمونو په اړه احصايو کي يې په قصدي توگه لاس وهنه کړې او هغه يي لږ ښودلي دي.

نوموړي رپوټ د خلکو قهر او غوسه راوپارولې، دا ځکه چي په رپوټ کي کوچني جرمونه لکه غلاوو ته اشاره سوې، خو برعکس د مهاجرو له خوا تر سره سوي لوی جرمونه، لکه جنسي زوروني، قصدي او غير قصدي قتلونه پرته له دې چي يي جزيات وړاندي سي په... (داسي نور) کتګوري کي راوستل سوي دي.

منتقدين پر هاربيرس تور لګوي چي په قصدي ډول يي هڅه کړې چي نوموړي رپوټ ته د خلکو پاملرنه راکمه کړي. ښی اړخه پاپوليست، ګيرت ويلديرس نوموړی وزير په دې تورنوي چي ستر جرمونه يي په اصطلاح تر کمبلي لاندي کړي دي.

په لومړي سر کي د «دې تيلګراف» په نامه ورځپاڼي دغې موضوع ته اشاره وکړه. هاربيرس په پارلمان کي وويل چي هغه د نوموړي وزير د استعفا وړانديز کړی. د هغه په خبره نوموړي وزير ځان بشپړ مسئول بللی چي پارلمان ته يي سم معلومات نه دي ورکړي، خو دا خبره ردوي چي گويا دا کار دې په  قصدي ډول کړی وي.

ويلديرس د هغه استعفا د حل يوازيني سمه لار بولي. د هالنډ صدراعظم مارک روته د هغه استعفا منلې، خو په عين حال کي يي په تويتر کي ليکلي دي چي کابينه يې يو ډير بااستعداده او فعال ليبرال له لاسه ورکوي.

د روته له پاره د نوموړي وزير استعفا، د يکشنبې په ورځ پلان سوو اروپايي انتخاباتو له پاره يوه سخته ضربه ده، دا ځکه چي هغه بايد په هيواد کي د هغو خارجيانو ضد ښی اړخه پاپوليستانو له خوا فشارونه پر ځان ومني چي په دغو انتخاباتو کي د رايو د ګټلو هيله لري.

دوې مياشتي مخکي لا دغه ښی اړخه ګوند چي په ۲۰۱۶م کال کي يي بڼسټ ايښودل سوی، د دغه هيواد په سنا کي په يوه  قوت باندي اوښتی دی.

(G.P/N.Z(ap,afp

پخوانی زندان اوسنی مهاجر کمپ

یو کټ، دوې چوکۍ او د موسیقۍ یو کیبورډ

دوی له افغانستان څخه راغلي دي. ۲۷ کلن حامد کریمي او د هغه ۲۵ کلنه میرمن فرشته راحیمي د هالنډ په هارلیم کې د زندان په کوټه کې اوسیږي. له دغه زندان څخه نور د زندان په توگه نه، بلکې د مهاجرو د استوگنځای په توگه کار اخیستل کیږي. هغه کیبورډ غږوي او موسیقي اوري. موسیقي، جگړه نه. خو دا چې هغوی به په اروپا کې پاته شي او که نه، معلومه نه ده.

پخوانی زندان اوسنی مهاجر کمپ

د دروازې تر څنگ بله دروازه او وړاندې لږه رڼا

د هالنډ په هارلیم کې په لومړي نظر کې زندان دغه ډول ښکاري. څو سوه مهاجر دغه ځای ته د اوسیدو له پاره راوستل شوي دي. له هغوی څخه یو تن ايرانی ۲۵ کلن رضا احسان دی.

پخوانی زندان اوسنی مهاجر کمپ

یو زندان، زندان وي

که څه هم دغه ودانۍ د یادگاري میراث برخه ده او په دغه ځای کې د خلکو ښه پالنه کیږي، خو یو زندان یوازې زندان وي. دغه څه په انځور کې هم صدق کوي. پر دې سربیره په انځور کې کیڼ اړخ ته ۳۶ کلن محمد بن سلیم چې له الجزایره راغلی او ۲۲ کلن امیني اوشي چې د لیبیا هیواد ده هم لیدل کیږي.

پخوانی زندان اوسنی مهاجر کمپ

د کوټې په خوله کې یو پیاله چای

افغان مهاجر سیرت الله حیات الله د یوې کوټې یا سلول مخې ته چای څښي.

پخوانی زندان اوسنی مهاجر کمپ

له سوماليا څخه هارلیم ته

یوازې ښځې، په یوه جلا برخه کې دي. د اسوشیتد پرس عکاس د یوې سومالیایي ښځې انځور اخیستی دی. ایاوا محمد ۴۱ کلنه ده او دلته د نورو ډېرو میرمنو په شان یوې نامعلومې راتلونکې په انتظار ده. هغې په خپل ټاټوبي کې تاوتریخوالی تر خپل شا پریښی دی.

پخوانی زندان اوسنی مهاجر کمپ

افغانستان، سومالیا، عراق...

د هالنډ په پخواني زندان کې کوچنۍ نړۍ هغه څه ښيي، چې په اروپا کې د «کډوالو د کړکیچ» په نامه یادیږي. د نړۍ د کړکیچ ځپلو سیمو خلک په دغه ځای کې اوسیږي. ۲۴ کلن یاسر حاجي او د هغه ۱۸ کلنه میرمن له عراق څخه راغلي دي.

پخوانی زندان اوسنی مهاجر کمپ

د کالو پریمنځلو ځای

مهاجر دلته بیا هم په منظمه نړۍ کې ژوند کوي. جگړه، گډوډي او غیر منظموالی نه شته، بلکې برعکس د کالو پریمنځلو یو سالون چې زیاترو یې په خپل هیواد کې ترې استفاده نه کوله.

پخوانی زندان اوسنی مهاجر کمپ

د تعقیب پای؟

دغه کس نه غواړي چې نوم وښيي او نه یې پوره څیره ولیدل شي. د هغه دلیل هم جنس بازي ده. هغه مراکشی دی.

پخوانی زندان اوسنی مهاجر کمپ

عبادت کول

فاطمه حسین چې ۶۵ کاله عمر لري په دغه کمپ کې یوه له هغو زیات عمر لرونکو مهاجرو څخه ده چې د اسوشیتد پرس عکاس پیژندلې ده. هغې عکاس ته د خپلې کوټې د لیدو اجازه ورکړې او آن د دې اجازه چې د لمانځه پر مهال یې انځور واخلي. هغه د عراق ده.

پخوانی زندان اوسنی مهاجر کمپ

سپورت

۴۰ کلن ناران بتر، له منگلویا څخه راغلی دی. هغه د باسکټبال لوبه کوي. د دغه سرپنا اداره کوونکي او پالونکي د انسانانو آزاد ژوند ته د مخه کولو هڅه کوي.

موږ تعقيب کړئ