ورځپاڼه: د هر شپږم مهاجر پر دوسيې ناسمه پريکړه سوې

د جرمني د يوې ورځپاڼي د راپور له مخي په دغه هيواد کي د پناه غوښتني د ټولو دوسيو پر ۱۷ سلنه ناسمي پريکړي سوي دي. دغه غلطۍ څوک راگرځوي؟

د جرمني «زيود دويچه څايتونگ» ورځپاڼي د راپور له مخي په دغه هيواد کي د پناه غوښتنو د دوسيو په سلو کي د ۱۷ سلنه په اړه ناسمي پريکړي سوي دي.

ورځپاڼه ليکي دي چي د پناه غوښتونکو او مهاجرو په چارو کي د جرمني فدرالي ادارې (Bamf) ډيري هغه ناسمي پريکړي چي د پناه غوښتني پروسې په برخه کي ئې کړي وي، محکمې ئې اصلاح کوي. ورځپاڼي دغه معلومات له هغو شمېرو راخيستي دي چي د جرمني حکومت ئې د دغه هيواد په پارلمان کي د کيڼ اړخو په غوښتنه وړاندي کوي.

د پناه غوښتونکو د شکايتونو پر اساس هغه دوسيې چي د ۲۰۱۸م کال په درو ربعو کي قاضيانو له سره اساسي بررسي کړي دي، تقريباً يو پر دريمه برخه ئې د مهاجرو په گټه تمامي سوي دي. چي په دې برخه کي تر ټولو ډير افغان پناه غوښتونکو ته گټه رسېدلې ده.

په پارلمان کې د کیڼ اړخي گوند د کورنیو چارو ویاندي، اولا جیلپیکه دا د سهمې اشتباه وگڼله او وویل: «رښتیا خبره دا ده چي دا د یوې فدرالي ادارې له پاره د سرلوړۍ ځای نه دی، خصوصاً کله چي د مهاجرو اړوند حقونو په برخه کي لوړو قانوني حقوقو ته سړی وگوري.»

هغې زیاته کړې ده چې پخپله د جرمني حکومت د وینا له مخې، د ۲۰۱۸م کال له جنورۍ تر سپتمبره پورې باید، ۲۸ زره مهاجرو پناه اخيستې وای، هغه څه چې د کډوالو او مهاجرو فدارلي ادارې مخ ترې اړولی دی.

دغي پارلماني استازې یادونه وکړه چي اکثره دغه مهاجر چي له دې حق څخه بې برخي سوي دي له سوريې او افغانستان څخه دي چې له سوریې څخه د هغوی شمیر کابو ۱۰ زرو او د افغانستان دا ۹ زرو ته رسیږي.

د ورځپاڼي د معلوماتو له مخي د جرمني حکومت نه غواړي چي د دغه هيواد د مدافع وکيلانو د ټولني هغه وړانديز ومني چي وايي د يوه پناه غوښتونکي د شکايت په صورت کي دي رد سوې دوسيه بې محکمې بررسي سي. په راپور کي زياته سوې ده چي په ۲۰۱۸م کال کي ۹ مهاجر غير قانوني اخراج سوي دي. په ۲۰۱۷م کال کي دوه غير قانوني اخراج سوي او تر هغه مخکي درو کلونو کي هيڅ نه ول.

په اداري محکمو کي د پناه غوښتني دوسيو د بررسي شمېر لږ سوی دئ. د تيرکال د سپتمبر مياشتي تر پايه پوري د پناه غوښتني اړوند ۳۲۳۰۰۰ شکايتونو په اړه پريکړه نه وه سوې. د دغه کال په لومړيو درو ربعو کي ۱۰۵۰۰۰ نوي شکايتونه ثبت سوي او د۱۳۱۰۰۰ شکايتونو په اړه پريکړي سوي دي.

د ورځپاڼي په راپور کي دغه راز راغلي دي چي د ۲۰۱۸م کال په لومړيو لسو مياشتو کي جرمني ته د راغلو ځوانو مهاجرو نيمايي د هويت اسناد نه لري.

خو دا بيا په دې پوري اړه لري چي له کوم هيواده راغلی دی. د بېلگې په توگه د سوريې هر څلورم مهاجر بې پاسپورته دی، په داسي حال کي چي د نايجيريا، سوماليا او گينه هیوادونو يو مهاجر هم د هويت اسناد نه لري.

د دغه شان کسانو د هويت پيژندلو يا تايد له پاره د مهاجرو او پناه غوښتونکو په چارو کي د جرمني فدرالي اداره د مهاجرو تليفونونه گوري. دغه کار د خپلي خوښي دئ، هيڅوک مجبوره نه دی چي خپل تليفون وسپاري.

زموږ له ارشيف څخه:

په آلمان کې د پناه غوښتونکو د دوسیو په برخه کې د فساد تورونو په اړه اړین معلومات

د آلماني حکومتي چارواکو په وینا د فساد په دې پیښه ښکیل شپږ کسان تر پوښتنو او ګرویږنو لاندې دي. په دې کسانو کې په بریمن ښار کې د مهاجرت د ادارې پخوانی مشر، د بریمن او نیدر زاکسن ایالت درې وکیلان، یو ژباړونکی او یو شمیر نور کسان چې د وکیلانو او پناه غوښتونکو ترمنځ یې اړیکې جوړولې، شامل دي.

په آلمان کې د پناه غوښتونکو د دوسیو په برخه کې د فساد تورونو په اړه اړین معلومات

د دې ښار د مهاجرت د ادارې یا بامف پر پخوانیو چارواکو تور دی چې دوی د ۲۰۱۳ او ۲۰۱۷م کلونو په ترڅ کې د پناه غوښتنې ۱۲۰۰ قضیې چې په شرایطو نه وو برابر، تائید کړي. د دې قضیې زیاتره پناه غوښتونکي له سوریې څخه راغلي د یزیدیانو اقلیت پورې تړلي کسان دي.

په آلمان کې د پناه غوښتونکو د دوسیو په برخه کې د فساد تورونو په اړه اړین معلومات

رسنیو د یادې ادارې د داخلی اسنادو په حواله لیکلي چې پر دغو وکیلانو تور دی چې دوی پناه غوښتونکي دې ته هڅولي چې په بریمن کې د پناه غوښتنې عریضه وکړي چې په پایله کې یې د دوی د پناه غوښتنه منل شوې.

په آلمان کې د پناه غوښتونکو د دوسیو په برخه کې د فساد تورونو په اړه اړین معلومات

په اصل کې دغو پناه غوښتونکو باید په بریمن کې د پناه غوښتنې له پاره عریضه نه وای کړې. شک دا دی چې دوی د آلمان له نورو برخو څخه دې سیمې ته راوستل شوي وو ترڅو دلته عریضه وکړي په داسې حال کې چې یادې ادارې د دوی مسوولیت هم نه درلود.

په آلمان کې د پناه غوښتونکو د دوسیو په برخه کې د فساد تورونو په اړه اړین معلومات

د رسنیو د رپوټونو په حواله، د دغه راز ناسمو پریکړو چې د میاشتو راهیسې یې په هکله پلټنې روانې دي، شمیر ان تر ۲۰۰۰ پورې رسیږي.

په آلمان کې د پناه غوښتونکو د دوسیو په برخه کې د فساد تورونو په اړه اړین معلومات

د آلمان د کورنیو چارو وزارت تر دې پیښې وروسته اعلان وکړ چې د پناه غوښتنې د دغو پریکړو لړۍ به وارزول شي. د چارواکو په وینا د بامف ادارې پریکړې به هر څومره چې ژر امکان ولري له سره وارزول شي او د اړتیا په صورت کې به رد کړل شي.

په آلمان کې د پناه غوښتونکو د دوسیو په برخه کې د فساد تورونو په اړه اړین معلومات

د آلمان د کورنیو چارو وزیر هورست زیهوفر بیا د یوه خپلواک کمیسیون د جوړولو اعلان کړی ترڅو دغه پیښه وڅیړي. زیهوفر همدا راز ویلي چې د دې پیښې په هکله چې هرحکومتي چارواکی معلومات لري، کولی شي له هغه سره اړیکه ونیسي.

په آلمان کې د پناه غوښتونکو د دوسیو په برخه کې د فساد تورونو په اړه اړین معلومات

ویل شوي دي چې د پلټنې د کمیټې لومړنی رپوټ په اوړي کې حکومت ته وسپارل شي.

په آلمان کې د پناه غوښتونکو د دوسیو په برخه کې د فساد تورونو په اړه اړین معلومات

د آلمان د مهاجرت او پناه غوښتنې اداره یا «بامف» د دې هیواد د کورنیو چارو وزارت په چوکاټ کې فعالیت کوي چې مشري یې د تیرو ۱۳ کلونو راهیسې د مسیحي دموکرات او مسحي سوسیال اتحاد ګوند پر غاړه ده.

په آلمان کې د پناه غوښتونکو د دوسیو په برخه کې د فساد تورونو په اړه اړین معلومات

په آلمان کې د پناه غوښتنې اړوند د ټولو دوسیو په هکله د بامف ادارې چارواکې پریکړه کوي. له پناه غوښتونکو څخه د همدې ادارې چارواکې معلومات اخلي او ورسره مرکه کوي.

په آلمان کې د پناه غوښتونکو د دوسیو په برخه کې د فساد تورونو په اړه اړین معلومات

په ۲۰۱۵ او ۲۰۱۶م کلونو کې هغه وخت چې اروپا د مهاجرت له کړکیچ سره مخ وه، بامف یا د آلمان د مهاجرت ادارې په زرهاوو کسان په دندو وګمارل خو بیا هم په دې اداره کې په زرهاوو دوسیې پرته له پریکړې پاتې دي.