يوه افغان مهاجر څرنگه د جرمني په يوه وزارت کي کار موندلی؟

اوډيو واورئ 05:29
اوس په ژندۍ بڼه
05:29 دقيقې
وايي بې زحمته راحت نه سته. يو افغان مهاجر پخپل زيار سره د جرمني په يوه داسي وزارت کي دنده موندلې چي پخپله د ډيرو آلمانانو له پاره يو خوب دئ. هغه د دغه وزارت د وزير همکار دئ. د احمد ولي تيموري مرکه دلته اورېدلای سئ.

زموږ له ارشيف څخه:

د کار مارکیټ ته ننوتل

د نړۍ د کیمیاوي موادو تر ټولو لوی شرکت (BASF) غواړي ۵۰ مهاجرو ته د کار رمینه برابره کړي. دا مهاجر به د یو کال لپاره ژبه او مسلکي زدکړې تر لاسه کوي. BASF په المان کې ۵۰ زره کارکوونکي لري.

دایملر یا میرسیدس بینس سره کار

د موټر جوړونې دې شرکت په وروستیو اوونیو کې ۴۰ نوي کارکوونکو ته کار ورکری. په ۱۴ اوونیو کې به مهاجر تولیداتي زدکړې تر لاسه کړي. په لومړیو شپږو اوونیو کې د آلمان فدرالي حکومت دې مهاجرو ته معاش ورکوي او په ورستیو اتو هفتو کې به دایملر شرکت دې کسانو ته معاش او د هغوې د ژبې کورس مصرف ورکوي.

په انترنت کې د وظیفو اعلانونه

د ۲۰۱۵ کال له سپتمبر میاشتې راهیسې دویچ تیلیکام د انترنت له لارې ۷۰ مهاجرو ته کار ورکړی دی. دا شرکت همداراز هوډ لري چې به راتلونکي کال کې ۱۰۰ تنو نورومهاجرو ته هم کار پیدا کړي. دا شرکت په ټول آلمان کې ۱۲۰ زره کارکوونکي لري.

د الکترونیکي انجنیري په برخه کې زدکړې

په دویچ بان (Deutsche Bahn) کې مهاجر د زدکړو څخه وروسته کولای شې د انجینیر په توګه دنده تر سره کړي. دا زدکړې په دوه نیمو کلونو کې تر سره کیږي. اوسمهال ۱۵ مهاجر له دویچ بان سره زدکړې کوي او نهه نور کسان به ډیر ژر دا کار پیل کړي.

د آلماني ژبې کورسونه

زیمنس شرکت اوسمهال مهاجرو ته د کار زمینه مساعدوي. زیمنس په المان کې ۱۱۵۰۰۰ کارکوونکي لري.

د تکړه مهاجرو له پاره د کار زمینه

په آلمان کې د کمپیوتر له پاره د پرواګرام جوړوني یوه کمپنی ۱۰۰ مهاجرو ته د کار زمینه مساعدوي او یوازي تکړه مهاجرو ته به کار ورکوي. دا شرکت همداراز غواړي د کمپیوتر ساینس او تجارت برخې کې مهاجرو ته د زدکړو زمینه برابره کړي.

کوچني شرکتونه هم مهاجرو ته دندې برابروي

د لویو شرکتونو سربیره، ډیر شمیر واړه شرکتونه هم هڅه کوي د کډوالو له پاره د کار زمینه برابره کړي تر څو هغوی وکولای شي په اسانه د کار په بازار کې ځان ادغام کړي.

نور په ميديا سنتر کي