يوه ۱۵کلن يوه آلمانۍ په چاقو وژلې ده

يو ۱۵کلن افغان د يوې آلمانۍ نجلۍ د قتل په تور د دغه هيواد د راينلند فلڅ ايالت په کانديل ښار کي نیول سوی دئ. پوليسو ويلي دي چي دغه ځوان په يوه مغازه کي له يوې نجلۍ سره تر مشاجرې وروسته هغه په چاقو وهلې او وژلې ده.

د فرانسې خبري آژانس د راپور له مخي يوه ۱۵ کلن افغان د چهارشنبې په ورځ پر يوې نجلۍ باندي د راينلند فلڅ ايالت په کانديل ښار کي حمله کړې ده. دغه نجلۍ بيا د سختو ټپو له امله په روغتون کي مړه سوې ده.

پوليسو ويلي دي چي دغه پيښه د دغو دوو ځوانانو ترمنځ تر يوې مشاجرې وروسته په يوه مغازه کي سوې ده. بريد کوونکی تر حملې وروسته د خلکو په مرسته پوليسو نيولی دئ. پتېيل سوې ده چي نن به يوه محکمه د هغه د توقيف په اړه تصميم ونيسي.

که څه هم چي تر اوسه پوري د دغه قتل انگېزه روښانه نه ده، خو «دي راينلند فلڅ» ورځپاڼي ليکلي دي چي دغو دوو ځوانانو يو له بله سره دوستانه اړيکي لرلې او دغه پيښه د دوی له اړيکو راپورته سوې.

په دې اړه چي آيا دغه ځوان يو افغان مهاجرو که نه، تر اوسه پوري څه ويل سوي نه دي.

AFP,DPA(N.Z)

زموږ له ارشيف څخه:

د وژل سوي آلمانۍ له کورنۍ سره د افغان مهاجرو غمشريکي

د جرمني په فرايبورگ ښار کي په لسونو افغانان د هغي آلمانۍ نجلۍ له کورنۍ سره د غمشريکۍ په موخه راټول سوي ول، چي د روان کال په اکتوبر مياشت کي وژل سوې ده. د دغي نجلۍ د قتل په تور يو افغان مهاجر نيول سوی دئ.

د وژل سوي آلمانۍ له کورنۍ سره د افغان مهاجرو غمشريکي

د دغي آلمانۍ نجلۍ مړی تر ورکېدو درې ورځي وروسته په يوه ځنگل کي موندل سوی وو. د پنجشنبې په ورځ د فرايبورگ ښار په مرکز کي افغانانو د ماريا له کورنۍ سره د غمشريکۍ او خواخوږۍ په ښوولو سره شمعې بلې کړې.

د وژل سوي آلمانۍ له کورنۍ سره د افغان مهاجرو غمشريکي

د افغانانو له خوا جوړو سوو دغو مراسمو کي کډون کوونکي د ماريا په مرگ سخت خوابدي ول.

د وژل سوي آلمانۍ له کورنۍ سره د افغان مهاجرو غمشريکي

پر افغانانو سربيره آلمانان هم د غمشريکۍ دغو مراسمو ته راغلي ول.

د وژل سوي آلمانۍ له کورنۍ سره د افغان مهاجرو غمشريکي

په فرايبورگ کي د ماريا له کورنۍ سره غمشريکي.

د وژل سوي آلمانۍ له کورنۍ سره د افغان مهاجرو غمشريکي

ځينو افغانانو د ماريا په ياد د گلانو گېډۍ له ځان سره راوړي وې. په انځور کي د گلانو په پلرونځی کي يو افغان مهاجر.

د وژل سوي آلمانۍ له کورنۍ سره د افغان مهاجرو غمشريکي

د يوې وژل سوي آلمانۍ نجلۍ له کورنۍ سره د غمشريکۍ مراسم.

د وژل سوي آلمانۍ له کورنۍ سره د افغان مهاجرو غمشريکي

دوی د ماريا نوم له بلو شمعو جوړ کړی وو او گلان ئې ورته ايښوول.

د وژل سوي آلمانۍ له کورنۍ سره د افغان مهاجرو غمشريکي

دغه مراسم د پنجشنبې په ورځ د افغانانو له خوا د جرمني په فرایبورگ ښار کي جوړ سوي ول.

موږ تعقيب کړئ