په آلمان کې پر مهاجرو بریدونه لږ شوي دي

د مهاجرت بحران د اوج په پایله کې په آلمان کې پر پناغوښتونکو او مهاجرو بریدونه ډیر شوي ول. خو تازه ارقام ښيي چې پر مهاجرو او د دوی پر استوګنځایونو په بریدونو کې یو پر درې کموالی راغلی دی.

په آلمان کې د« فونکه» رسنیزي ډلې د دغه هیواد د کورنیو چارو وزارت له خوا د خپاره شویو ارقامو پر بنست لیکلي دي چې تیر کال په آلمان کې پر مهاجرو او د دوی پر استوګنځایونو په مجموع کې ۲۲۱۹ بریدونه ثبت شوي دي.
دغه شمیرې ښیې چې په ۲۰۱۷م کال کې پر مهاجرو بریدونه تر هغې د یو کال مخکې په پرتله یو پر دریمه لږ شوي دي. په ۲۰۱۶ م کال په آلمان کې پر مهاجرو شاوخوا ۳۵۰۰ جرمي موارد او بریدونه ثبت شوي ول.
هغه جرمونه چې پر مهاجرو ترسره شوي دي په هغو کې فزیکي بریدونه، لفظي شخړې، تاوتریخوالی او د پناغوښتونکو پر مرکزونو او استوګنځایونو بریدونه او اور اچونه شامل دي.
تیرکال په مجموع کې ۱۹۰۶ بریدونه پر مهاجرو او ۳۱۳ بریدونه د دوی پر استوګنځایونو شوي دي. شاوخوا ۳۰۰ مهاجر په دغو بریدونو کې ټپیان شوي دي. د آلمان حکومت دغه بریدونه غندلي دي.
د آلمان په پارلمان کې د ګيڼ اړخو یوه استازې اولا یلپکه، د دغو زورزیاتیو پړه پر «ای اف دي» یا د آلمان له پاره بديل ښی اړخی ګوند او پر صدراعظمې انګلا میرکل اچوي.
هغې وویل «په ۲۰۱۷م کال کې پر مهاجرو د توکمپالو او ښی اړخو تر ۲۰۰۰ ډیر بریدونه په هیواد کې د تعرضي روحیې ښکاریندویې کوي چې د «ای اف دي» او نورو ښي اړخو افراطي ډولو له خوا ترویج شوي دي.»
په ۲۰۱۵م کال کې د مهاجرت کړکیچ د اوج له وختونو راهیسې په آلمانۍ ټولنه کې یو ډول درز رامنځته شوی دی. وروسته تر هغې چې د آلمان حکومت د خلاصو دروازو سیاست اعلان کړ، د هغو مهاجرو شمیر چې دې هیواد او یا په مجموع کې نورو اروپایې هیوادونو ته راتلل ډیر لوړ شو.
اروپا او په ځانګړي توګه آلمان ته د مهاجرت دې لړۍ ډیر محافظ پال په غوسه کړل، په داسې حال کې چې ډیر شمیر لیبرلانو بیا دغه اقدام له دې وضعیت سره یوازنی انساني چلند وباله.

پر اړونده موضوع زموږ له آرشیف څخه انځوریز رپوټ: 

آلمان ته د مهاجرینو په راتګ کې د پام وړ کموالی

آلمان ته د مهاجرینو په راتګ کې د پام وړ کموالی

د آلمان د کورنیو چارو د وزارت په حواله، د ۲۰۱۵م کال په پرتله په ۲۰۱۶م کال کې آلمان ته د مهاجرینو راتګ ډیر کم وو. د یاد وزارت د یوه خپاره شوي رپوټ په اساس په ۲۰۱۶م کال کې آلمان ته د راغلو سیاسي پناه غوښتونکو مهاجرینو شمیر دوه لکه او ۸۰ زره ښوول شوی دی.

آلمان ته د مهاجرینو په راتګ کې د پام وړ کموالی

د مهاجرت کړکیچ

د آلمان د حکومتي شمیرو له مخې، په ۲۰۱۵م کال کې دې هیواد ته ۸ لکه او ۹۰ زره مهاجرینو د پناه لپاره غوښتنه کړې وه. په همدې ۲۰۱۵م کال کې تر یو میلیون څخه د ډیرو مهاجرینو راتګ، اروپايي ټولنه د مهاجرینو له سخت کړکیچ سره مخ کړې وه.

آلمان ته د مهاجرینو په راتګ کې د پام وړ کموالی

په آلمان کې پارلماني ټاکنې

د چارو د کارپوهانو په حواله د مهاجرینو د راتګ کموالی به په پارلماني ټاکنو کې هم اغیزمن ثابت شي. داسې ویل کیږي چې د مهاجرت کړکیچ او د آلمان په ټولنه کې د مهاجرینو ادغام به هم د ټاکنیز بهیر یو له مهمو موضوع ګانو څخه وي.

آلمان ته د مهاجرینو په راتګ کې د پام وړ کموالی

د رد شوو مهاجرینو د شمیر ډیروالی

د آلمان د کورنیو چارو د وزیر، توماس دیمیزیر په حواله په آلمان کې د پناه غوښتونکو د رد په شمیر او بیرته خپلو هیوادونو ته د لیږل شوو کسانو په شمیر کې هم ډیروالی راغلی دی. د آلمان د چارواکو په حواله تراوسه کابو ۸۰ زره مهاجرین په خپله خوښه او یا هم په زور بیرته خپلو هیوادونو ته ستانه شوي دي.

آلمان ته د مهاجرینو په راتګ کې د پام وړ کموالی

په خپله خوښه بیرته ستنیدونکي

د توماس دیمیزیر په حواله، په ۲۰۱۵م کال کې ۳۵ زره مهاجرینو په خپله خوښه بیرته خپلو هیوادونو ته د تګ پریکړه کړې او دغه شمیره بیا په ۲۰۱۶م کال کې ۵۵ زرو کسانو ته لوړه شوی ده. د آلمان د کورنیو چارو وزیر د تیر کال په ترڅ کې په زور سره د ایستل شوو کسانو شمیر ۲۵ زره کسان ښوولی دی.

آلمان ته د مهاجرینو په راتګ کې د پام وړ کموالی

د مهاجرینو او پناه غوښتونکو شمیر

د حکومتي شمیرو له مخې د آلمان په حکومتي ادارو کې تیر کال د ۷ لکه او ۴۵ زره کسانو د سیاسي پناه غوښتنه ثبت شوی ده. د تیر کال په ترڅ کې ترټولو ډیر پناه غوښتونکي سوریايي مهاجرین وو او بیا په دویم او دریم ځای کې افغان او عراقي مهاجرین ځای لري.

آلمان ته د مهاجرینو په راتګ کې د پام وړ کموالی

«حکومتي اقداماتو اغېز ښودلی»

د آلمان د کورنيو چارو وزیر توماس ديميزېر د جنورۍ په دويمه اونۍ کي وويل چي و آلمان ته راتلونکو مهاجرو په شمېر کي د کمښت راتللو يو لامل هغه اقدمات دي چي د آلمان حکومت کړي ول. نوموړي د جنورۍ په مياشت کي د کډوالۍ ادارې ته امر وکړ چي د مارچ مياشتي له ۱۵مې نېټي دي نور له هغو مهاجرو څخه د پناه غوښتنه نه مني چي د يونان له لاري آلمان ته راغلي وي.

آلمان ته د مهاجرینو په راتګ کې د پام وړ کموالی

د بالقان د مسير تړل کېدل

په داسي حال کي چي مخکي زيات مهاجر له يونان څخه د بالکان هيوادونو له لاري و آلمان او شمالي اروپايي هيوادونو ته راتلل، نو کله چي د بالکان دغه مسير د مهاجرو پر مخ وتړل سو، و آلمان او شمالي اروپايي هيوادونو ته د مهاجرو په راتګ کي کمښت راغلی.

آلمان ته د مهاجرینو په راتګ کې د پام وړ کموالی

د ترکيې او اروپايي اتحاديې تړون

په مجموع کي و اروپا ته د مهاجرو په راتګ کي د هغه وروسته کموالی راغلی، کله چي اروپايي اتحاديې د ترکيې سره د مهاجرو په تړاو يو تفاهم وکړ. د دغه تفاهم له مخي ترکيې ځان مکلف کړ چي هغه مهاجر چي له ټاکلې نېټي له ترکيې څخه يونان ته ولاړ سي نو ترکيه به هغه مهاجر د شرايطو په ړنا کي بېرته له يونان څخه ومني.

موږ تعقيب کړئ