په اروپا کې د تازه پناه غوښتونکو شمير ډیر لږ شوی دی

په ۲۰۱۸م کال کې د هغو مهاجرو شمیر چې په اروپايي اتحاديه کې ېې د پناه غوښتنې سپارلي، ډیر رالویدلی دی. په دغه کال کې د پناه غوښتونکو کچه د پنځه کاله مخکې يعنې د اروپا د مهاجرت بحران د وخت مخکې کچې ته نژدې شوې ده.

د اروپا د آمارو اداره (Eurostat) پنجشنبې د مارچ ۱۴مه، په لوکزامبورګ کې وويل چې په تير ميلادي کال کې ۵۸۰ زره او ۸۰۰ کسانو د لومړي ځل له پاره خپل د پناه غوښتنليکونه سپارلي دي. دغه رقم د ۲۰۱۷م کال په پرتله ۱۱ سلنه کښته او نژدې هغې کچې ته رسيدلی، کومه چې پنځه کاله مخکې ثبت شوې وه. 

د اروپايي اتحاديې په کچه د دغو ټولو پناه غوښتنو ۲۵ سلنه د آلماني چارواکو لاس ته رسېدلې ده. د دغو افرادو شمیر ۱۶۱ زره او ۹۰۰ تنو ته رسيږي. په دې ترتيب آلمان په دغه کال کې د اروپايي اتحاديې په کچه تر ټولو ډير د پناه غوښتنليکونه ترلاسه کړي دي. خو که چيرته د دغو پناه غوښتونکو شمير د آلمان له نفوس سره پرتله شي، نو په هغه صورت کې بيا آلمان د نورو هيوادونو په سر کې نه راځي چې تر ټولو ډير د پناه غوښتنليکونه يې ترلاسه کړي وي.

د بيلګې په توګه قبرس د خپلو يو ميليونو وګړو له مخې ۸۸۰۵ د پناه غوښتنليکونه او يونان د هرو يو ميليون وکړو په سر ۶۰۵۱ د پناه غوښتنليکونه لرلي دي. د دغې محاسبې له مخې آلمان د خپلو يو ميليون اتباعو له مخې يوازې ۱۹۵۴ د پناه غوښتنليکونه ترلاسه کړي دي.

سلواکيا، پولنډ او هنګري بيا تر ټولو لږ پناه غوښتونکي لرلي. سلواکې تيرکال د خپل هر يو ميليون وګړو له مخې ۲۸، پولنډ ۶۳ او هنګري ۶۵ د پناه غوښتنليکونه ترلاسه کړي دي.

د هغو افرادو شمير چې په ۲۰۱۸م کال يې دننه په آلمان کې د پناه غوښتنې کړي د يو کال مخکې په پرتله ۱۸ سلنه کښته شوی دی. په مجموع کې ۳۶ زره کسانو په لومړي ځل په آلمان کې د پناه غوښتنلیکونه سپارلي دي. دا په داسې حال کې ده چې په قبرس کې دغه ارقام ۷۰ سلنه او په هسپانيا کې ۶۰ سلنه لوړ شوي دي.

له ۲۰۱۳م کال راهيسې په آلمان کې سوريه د ډيرو پناه غوښتونکو د اصلي هېواد په توګه په لومړي سر کې ځای لري. تيرکال په ټوله اروپايي اتحاديه کې ۸۰ زره او ۹۰۰ سوريايي مهاجرو د پناه غوښتنليکونه سپارلي چې نیمايي يې په آلمان کې ثبت شوي دي. تر سوريې وروسته افغانستان د ۴۱ زره کسانو او عراق د ۳۹ زره او ۶۰۰ کډوالو د اصلي هېوادونو په توګه په دوهمو او دريمو ځايونو کې قرار لري.

dw Persian/mks/ns

له آرشيف څخه يو انځوريز البوم: 

سږ کال څومره مهاجر اروپا ته راسیدلي دي؟

د سمندر له لارې یونان ته زیات خلک رسیږي

سږ کال د سیاسي پناه تر لاسه کولو په موخه ۲۵۶۶۰ مهاجر اروپا ته له مختلفو سمندري لارو رسیدلي دي. د مهاجرو تر ټولو زیات راتګ په یونان کې ثبت شوی دی. دغلته د جنورۍ له لومړۍ نیټې څخه د می میاشتې تر نیمایي پورې ۹۷۵۰ مهاجر رسیدلي دي. په دغه موده کې د روم سمندرګي له لارې ایټاليا ته د رسیدونکو مهاجر شمیر ۹۷۳۸ دی. هسپانيا ته بیا ۷۴۸۰ مهاجر رسیدلي دي.

سږ کال څومره مهاجر اروپا ته راسیدلي دي؟

د لارو په اوږدو کې مړینه او لادرکه کیدل

د ملګرو ملتونو د کډوالو چارو د عالي کمیشنرۍ (یو ان اچ سي آر) د اټکلونو له مخې په روان میلادي کال کې اروپا ته د رسیدو په موخه د لارو په اوږدو کې د مړو شوو او لادرکه شوو کسانو شمیر ۶۰۹ تنو ته رسیږي. په ۲۰۱۷م کال کې دغه شمیر ۳۱۳۹، په ۲۰۱۶م کال کې ۵۰۹۶ او په ۲۰۱۵م کال کې ۳۷۷۱ او په ۲۰۱۴م کال کې بیا ۳۵۳۸ کسان مړه شوي یا لادرکه شوي دي.

سږ کال څومره مهاجر اروپا ته راسیدلي دي؟

سوریایان اوس هم په لومړي کتار کې ځای لري

د روان میلادي کال په لومړیو میاشتو کې اروپا ته د رارسیدلو مهاجرو په ډله کې ۴۱۵۱ سوریایان، ۲۱۸۵ عراقیان، ۱۹۱۰ تونسیان دي. همداشان پر نورو هیوادونو سربیره له اریتریا څخه ۱۸۱۰ مهاجر او له ګانا څخه ۱۲۱۴ مهاجر اروپا ته رسیدلي دي. د سوريې وګړي اوس هم اروپا ته د رسیدونکي کسانو د نوملړ په سر کې ځای لري.

سږ کال څومره مهاجر اروپا ته راسیدلي دي؟

زیاتره مهاجر نارینه دي

له جنوري میاشتي د اپریل تر نیمایي پورې اروپا ته د ټولو رسیدلو کسانو ۵۹،۶ سلنه نارینه، ۱۵،۷ سلنه ښځې او ۲۴،۷ سلنه ماشومان دي.

سږ کال څومره مهاجر اروپا ته راسیدلي دي؟

زياته پناه غوښتنه په آلمان کې شوې ده

د ۲۰۱۸م کال په لومړیو څلورو میاشتو کې تر ټولو زیات د سیاسي پناه غوښتنه په المان کې شوې ده. ۶۳۹۷۲ کسانو د پناه غوښتنه کړې ده چې ۵۶۱۲۷ یې د لومړي ځل له پاره د پناه عریضه وړاندې کړي او په دغه ډله کې ۷۸۴۵ کسانو بیا پر خپلو دوسیو د بیا غوښتنې له پاره عریضې وړاندې کړې دي.

سږ کال څومره مهاجر اروپا ته راسیدلي دي؟

د پناه غوښتنې عریضې ادامه لري

د سیاسي پناه غوښتنې له پاره پر آلمان سربیره د مهاجرو د خوښې وړ هیوادونو کې فرانسه، ایټالیا، یونان، اتریش او هالنډ هیوادونه شامل دي.

موږ تعقيب کړئ