په الجزایر کې يوه پوځي الوتکه رالوېدلې ده

د الجزایر پلازمېنې الجزیرې ته څیرمه یوه پوځي الوتکه رالویدلې ده. په لومړي سر کې د سلو تنو وژل کیدل رپوټ شوي وو، خو اوس د ځایي چارواکو له قوله دغه شمیر ۲۵۷ تنه ښوول شوی.

تر دې دمخه ځایي رسنیو رپوټ ورکړی وو چې په دغه الوتکه کې تر سلو زیات کسان سپاره وو. الوتکه له الوتنې لږ څه وروسته رالویدلې ده.

د الجزایر دولتي خبري آژانس د رپوټ له مخې الوتکه له پلازمېنې څخه ۳۰ کیلومتره وړاندې په بوفارک، کې د یوې پوځې اډې څنګ ته رالویدلې ده.

د الجزایر د بیړنیو خدماتو اداره اوس په پيښه کې د ۲۵۷ کسانو د وژل کیدو رپوټ ورکوي. 

د الجزایر د دفاع وزارت یوه بیانیه خپره کړې ده چې له مخې یې د الوتکې د سقوط علت معلوم نه دی او په وینا یې په دې هکله څیړنې پیل شوي دي. که څه هم د دفاع وزارت په خپله لومړۍ بیانیه کې د مرګ ژوبله خبره نه وه کړې خو اوس د ۲۵۷ تنو د وژل کیدو خبره کوي.

اسوشیتد پرس خبري آژانس د دغه هیواد د دفاع وزارت له قوله لیکلي دي چې په وژل شوو کسانو کې ۲۴۷ مسافرین او عملې لس تنه شامل دي. 

د دفاع وزارت په وینا زیاتره قربانیان عسکر او د هغوی خپلوان دي. زیاته شوې ده چې جسدونه په عین نعجه ښارګوټي کې د پیژندلو له پاره د الجزایر د پوځ مرکزي روغتون ته انتقال شوي دي.

تر دې دمخه د النهار، په نوم ورځپاڼې په خپل رپوټ کې لیکلي وو چې په الوتکه کې سپاره ۱۰۵ تنه وژل شوي دي.

د رپوټونو له مخې الوتکه د هیواد سویل لویدیځ بشار ښار ته الوتې وه، چې د مراکش له پولې سره نزدې پروت دی. د النهار د رپوټ له مخې په الوتکه کې د پولیساریو جبهې، ۲۶ تنه غړي وژل شوي دي. پولیساریو جبهه یو وسله وال سیاسي غورځنګ دی چې د مراکش تر کنترول لاندې د غربي صحرا د خپلواکۍ هڅه کوي.

زموږ له آرشیف څخه:

د نړۍ ډاډمن او غير ډاډمن هوايي شرکتونه په انځورونو کي

چين ايرلاين د نړۍ په ناډاډمنو شرکتونو کي

کله چي مسافر د چين ايرلاين يوې الوتکي ته پورته کيږي، هرڅه سم ښکاري، خو کله چي د الوتکي ماشین چالان او الوتني ته تياره سي، په مسافرو کي اندېښنې پيدا سي چي د خپل سفر له پاره ئې يو غير ډاډمن هوايي شرکت غوره کړی دئ. دغه شرکت په غير ډاډه هوايي شرکتونو کي شمېرل کيږي.

د نړۍ ډاډمن او غير ډاډمن هوايي شرکتونه په انځورونو کي

د کلمبيا ملي الوتکه هم په غير ډاډمنو شرکتونو کي

د هوايي شرکتونو د درجه بندۍ له پاره يو معيار، په دغو الوتکو کي د نورو ټولو هوايي شرکتونو په پرتله د مسافرو مړينه او دا چي څومره پروازونه ئې کړي دي. د دغو معيارونو له مخي د کلمبيا ملي الوتکه د نړۍ په غير ډاډه الوتکو کي شمېرل کيږي.

د نړۍ ډاډمن او غير ډاډمن هوايي شرکتونه په انځورونو کي

د اندونيزيا «گارودا» ايرلاين هم غير ډاډمن هوايي شرکت دی

د اندونيزيا دغه شرکت په نړۍ کي د غير ډاډمنو هوايي شرکتونو په ليست کي دريم دئ. د ډاډمن او غير ډاډمن هوايي شرکت د ټاکلو له پاره په تيرو درو کلونو کي هوايي حوادث هم معيار ټاکل سوی دئ.

د نړۍ ډاډمن او غير ډاډمن هوايي شرکتونه په انځورونو کي

له انساني خطاوو رامنځ ته سوي پيښي، اب و هوا او تروريزم شرايط په دغه رتبه بندۍ کي نه دي راغلي. که څه هم چي په سلو کي لس هوايي پيښي تروريستي عوامل لري.

د نړۍ ډاډمن او غير ډاډمن هوايي شرکتونه په انځورونو کي

دغه راز په سلو کي لس پيښي د هوا د خرابوالي په سبب رامنځ سوي.

د نړۍ ډاډمن او غير ډاډمن هوايي شرکتونه په انځورونو کي

د نړۍ ډاډمن هوايي شرکت د هنگکانگ «کاتای پاسيفيک» دی

دغه شرکت د ډاډمنو شرکتونو په ليست کي لومړی ځای لري. دغه هوايي شرکت د ۱۴۰ الوتکو په لرلو سره له ۲۰۱۰م کال راهيسي په نړۍ کي يو له سترو مسافر وړونکو شرکتونو څخه دئ.

د نړۍ ډاډمن او غير ډاډمن هوايي شرکتونه په انځورونو کي

«اير نيوزيلند» دوهم ډاډمن هوايي شرکت دی

د نړۍ ډاډمن او غير ډاډمن هوايي شرکتونه په انځورونو کي

لوفت هانزا هوايي شرکت په نړۍ کي دولسم ځای نيولی دئ.

د نړۍ ډاډمن او غير ډاډمن هوايي شرکتونه په انځورونو کي

لوفت هانزا هوايي شرکت

د نړۍ ډاډمن او غير ډاډمن هوايي شرکتونه په انځورونو کي

دا د کلمبيا هغه الوتکه ده چي پکښې سپاره ټول ۸۱ کسان ووژل سول. په دوی کي ۹ کسان د برازيل د يوې فوټبال لوبډلي غړي ول.

موږ تعقيب کړئ