په رواني ناروغيو د اخته مهاجرو د درملني غوښتنه

د جرمني علمي ملي اکاډمۍ په رواني ناروغيوو اخته مهاجرو د ژر تر ژره معالجې غوښتنه وکړه. په همدې حال کي د اروپا محکمه هم غواړی وڅیړي، چي ایا ددغو مهاجرو د اخراجولو اجازه سته که نه.

د لیوپولدینا علمي ملي اکاډمۍ نن سه شنبه (۲۰۱۸م کال د اپریل ۲۴ نیټه) په برلین کي یوه اعلامیه خپره کړه او مجموعأ یې لس وړانديزونه وړاندي کړل چي عنوان یې دی: «په رواني او روحي ناروغيو اخته مهاجر عاجلو طبي مرستو ته ضرورت لري.»

د دغي اکاډمۍ د عالمانو په نظر ځيني مهاجر اکثراً يا پخپلو هيوادونو او يا جرمني ته د تيښتي پرمهال له سخت تشدد او خطرناکه حالاتو سره مخامخ سوي وي. دغه حالات اکثراً پر دوی باندي دونه سخت تمامیږي چي د رواني او فزیکي ناروغيو سبب یې کیږي او د دردونو، د بیري خوبونو، احساساتو د خرابیدو او دوامداره ناروغيو سبب یې کیږي.

د عالمانو په نظر رواني ناروغۍ مهاجر له مدغمیدو څخه راگرځوي، د ژبي زده کړه ورته مشکلوي او کیدلای سي د غیر اجتماعي برخورد سبب یې سي.

په جرمني کي د ژوندارنه نوي شرایط او همدارانگه تر تیښتي وروسته ورته رامنځته سوي مشکلات د دوی پر روان او روح باندي نور هم منفي اغېز کوي.

دوی غوښتنه کوي چي د طبي معایناتو ترڅنگ باید هغوی ته د ناروغیو وختي پیژندلو سیسټم رامنځته، د ناروغيو درملنه يې وسي او ترجمانان او علمي لارښونکي ولري.

په همدې حال کي د اروپا محکمې هم نن سه شنبه اعلان وکړ چي غواړي دا وڅیړي چي آیا په رواني ناروغيو د اخته مهاجرو د اخراج اجازه سته؟ که څه هم هغوی په خپلو هیوادونو کي د معالجې سم امکانات هم نه لري.

د دغي محکمې لوی څارنوال په دې نظر دی چي په دغه شان حالاتو کي په رواني ناروغيو اخته مهاجر، که څه هم د محدودي اقامې مستحق نه دي، خو د اروپايي ټولني غړي هیوادونه کولای سي، هغوی ته د بشري دلایلو پراساس اقامې ورکړي.

زموږ له ارشيف څخه:

د مقدونيا د اغزن دېوالونو تر شا افغان مهاجر

افغان مهاجرو مخکي د سوريې او عراقي مهاجرو په شان لومړيتوب لاره چي د مقدونيا سرحد له لاري اروپايي هيوادونو ته تيرسي. خو له يکشنبې ورځي راهيسي د دوی پرمخ د مقدونيا سرحدونه تړل سوي دي.

د مقدونيا د اغزن دېوالونو تر شا افغان مهاجر

دغه کډوال چې فکر یې کاوه له اوبو څخه تر تیریدو وروسته یې د سفر ستونزمنه برخه پای ته رسیدلې ده، د مقدونيا سرحد د تړل کیدو له کبله ډیر خواشینې دي.

د مقدونيا د اغزن دېوالونو تر شا افغان مهاجر

دغه مهاجر له یونان څخه سرحدي سیمو ته لیږدول شوي ول، خو له دې کبله چې ورته د تیریدو اجازه ور نه کړل شوه، نو شمیر یې زرونو کسانو ته رسیدلی دی. پولیس هڅه کوي چې د حالاتو کنترول له لاسه ور نه کړي.

د مقدونيا د اغزن دېوالونو تر شا افغان مهاجر

ملګرو ملتونو د مقدونيا حکومت پر دغې پریکړې نیوکي کړي دي او ویلي یې دي چې په ځانګړې توګه ماشومانو ته سرحدونه تړل، هغوی له ګواښ سره مخامخ کوي.

د مقدونيا د اغزن دېوالونو تر شا افغان مهاجر

ځینو مهاجرو آن هڅه وکړه چې له اغزن سیم څخه تر اوښتو ځان د مقدونيا خاوري ته ورسوي، خو پولیسو د هغوی مخه ونیوله.

د مقدونيا د اغزن دېوالونو تر شا افغان مهاجر

د مهاجرو شمیر له ډیریدو سره پولیسو هڅه کړې ده چې پوله په بشپړه توګه وتړي، څو کنترول له لاسه ور نه کړي.

د مقدونيا د اغزن دېوالونو تر شا افغان مهاجر

دغه مهاجر د سرحد پرانیستلو ته لاره څاره.

د مقدونيا د اغزن دېوالونو تر شا افغان مهاجر

ناهیلي شویو افغان مهاجرو په اعتراض لاس پورې کړی دی. هغوی د اورګاډي لاره بنده کړه خو پولیسو بیا هغوی وشړل.

د مقدونيا د اغزن دېوالونو تر شا افغان مهاجر

کله چې په دې سیمه کې د مهاجرو شمیر ډیر شو، نو پولیسو هغوی د ایدومیني ښار ته انتقال کړل.

د مقدونيا د اغزن دېوالونو تر شا افغان مهاجر

افغان مهاجر د ایدومیني ښار په یوه کمپ کې ځای پر ځای شوي دي. هغوی نه غواړي چې په یونان کې د پناه غوښتنه وکړي، نو له همدې کبله دې ته په تمه دي چې سرحد پرانیستل شي او هغوی خپل سفر ته دوام ورکړي.

موږ تعقيب کړئ