په لوګر کي 12 تنه د ښوونځی زده کونکي وژل سوي
۱۳۸۸ تیر ۱۸, پنجشنبه
دغه چاودنه يوۍ ښونځی ته نژدې په داسي وخت کي شوې چي ډیر شمير ماشومان دښوونځی په لورروان و او له همدې کبله څنګه چي د رویتر دخبررسولو د آژانس په یوه لومړۍ را رسیدلي رپوټ کي ويل شوي دي بايدپه دغه پيښه کي لږ تر لږه 12 دښوونځی شاګردان وژل شوي وي.
چاودیدونکي مواد په يوه لارۍ موټر کي چي لرګي پکښي بارول ، ايښول شوی و .
داچي په دغه پيښه کي څومره کسان تلف شوی ، په بيلا بيلو آژانسونو کي مختلفي احصايي ورکړ شوی دي. په یوه وروستی رارسیدلي خبر کي ، د لوګر ولايت د پوليسو دقومندان مصطفی خان، دخولې څخه AP د قربانيانو شمير 25 تنه ښودلی دی چي 21 تنه يي ملکي کسان او څلور تنه نور يي پو ليسان دي.
په سیمه کي د دویچه ويلي المان ږغ راډیو خبر يال فرهاد محمدی په يوه تلفونی رپوټ کي ځرګندوي چي نن په لوګر کي د عینک دپروژی دپرانستلو دمراسمو دپاره د افغانستان دکانو اود صنايعو دچارو د وزير په شمول ډير شمير جګپوړي مامورين لوګر ته راتلل او کيداي شی چي په لاری موټر کي ايښول شوی چاودیدونکي مواد د عینک د پروژې د پرانستلو دمراسمو دپاره پلان شوی و،خوامکان لري مخکي له وخت څخه دغه چاودنه شوي وی .
تر اوسه په رسمي ډول سره ددغي پيښي مسولیت چا په غاړه ندی اخيستی خو دولتی چارواکي ددولت مخالفین يا طالبان ددغي پيښي مسول ګڼي.
Ag/ ضياالحق فضلي
کتونکی. زيارمل