په ملي پوځ کي د زرونو «خيالي» عسکرو شتون؟

د افغانستان د بيا رغاوني په برخه کي د امريکا د نظارتي ادارې چارواکي وايي چي په افغان پوځ کي اوس هم امکان لري په لسونو زره داسي عسکر وي چي په نوم ئې پيسي راايستل کيږي خو دوی په پوځ کي نه سته.

د افغانستان د بيا رغاوني په برخه کي د امریکا د نظارتي ادارې مشر جان سوپکو، د چهارشنبې په ورځ په واشنگټن کي ويلي دي چي واشنگټن داسي عسکرو ته پيسي ورکوي چي نومونه ئې پر کاغذ سته خو دوی په پوځ کي نه سته. هغه ويلي دي چي دغه پيسې به په غالب گومان د قوماندانانو جېبو ته لوېږي.

سوپکو په واشنگټن کي د «ستراتيژي او نړيوالو څېړنو» (CSIS) انستيتوت کي د وينا پرمهال وويل، داسي نخښي نښاني هم سته چي وسله والو طالبانو خپلو قوماندانانو ته لارښوونه کړې ده چي د افغان عسکرو څخه امريکايي وسلې، تېل او مهمات رانيسي.

د افغانستان د بيا رغاوني د څار ادارې مشر چي د افغانستان په امنيتي ځواک کښي ئې پر فساد باندي نيوکه کړې ده، زياته کړه چي د ياغيانو له پاره دا ډېر اسانه او ارزانه تماميږي.

امريکا متحدو ايالاتو او ناټو د ۲۰۱۴م کال په پای کي خپل جنگي ماموريت په افغانستان کي ختم کړ او د دغه هيواد ټول امنيتي مسئوليت ئې پخپله افغان امنيتي ځواکونو ته وسپاره.

خو په دغه هیواد کي امنيتي وضعيت ورځ تر بلي خراب سوی دئ. له وسله والو طالبانو سره په جگړه د افغان امنيتي ځواکونو وروستيو پرشا تگونو د افغان امنيتي ځواکونو د وړتيا په اړه شکونه پيدا کړي.

په ۲۰۱۶م کال کي د وسله والو طالبانو له خوا د يوه کال مخکي په پرتله ډېر افغان عسکر وژل سوي دي. په ۲۰۱۵م کال کي د وژل سوو افغان عسکرو شمېر تر ۵۰۰۰ زیات وو.

نور مطالب آرشيف

«سرتیریه! زما وینه تر تا سره نه ده»

فرهاد دریا د چهارشنبې په ورځ په کابل کې د ملي اردو سرتیرو ته د وینې ورکوونې کمپاین پیل کړ.

«سرتیریه! زما وینه تر تا سره نه ده»

دغه کمپاین «سرتیریه! زما وینه تر تا سره نه ده» په شعار پیل شو.

«سرتیریه! زما وینه تر تا سره نه ده»

په دې کمپاین کې هر وینه ورکوونکي پر څو تنو نور کسانو باندې غږ کوي چې خپله وینه ورکړي او بیا نور کسان هم ونومي. په انځور کې د افغانستان د کورنیو چارو وزارت ویاند صدیق صدیقي تر وینې ورکوونې وروسته ښول کیږي.

«سرتیریه! زما وینه تر تا سره نه ده»

د کمپاین نوم «څاڅکی څاڅکې له دریا سره» دی. افغان نومیالي سندرغاړي فرهاد دریا، چې دغه کمپاین یې پیل کړی دی ویلي دي چې په دې اړه یې پریکړه په تلویزیون کې د یوې چاودنې په اړه د یوه پیړنې رپوټ تر لیدو وروسته وکړه.

«سرتیریه! زما وینه تر تا سره نه ده»

په دې کمپاین کې د مدني ټولنې یو شمیر غړو هم گډون وکړ.

«سرتیریه! زما وینه تر تا سره نه ده»

فرهاد دریا وویل چې دغه کمپاین سیاسي موخه نه لري. هغه پر ولسمشر غني، لومړۍ میرمنې، اجرائیه رييس، د روغتیا او دفاع وزارت پر سرپرستانو غږ وکړ چې په دې کمپاین کې وینه ورکړي.

«سرتیریه! زما وینه تر تا سره نه ده»

فرهاد دریا وویل چې کمپاین به یې ادامه پیدا کړي او ډیر شمیر کسان به وهڅوي چې به کې گډون وکړي.

«سرتیریه! زما وینه تر تا سره نه ده»

په وروستیو وختونو کې د افغان امنیتي ځواکونو تلفات د یاغیانو د بریدونو د ډیریدو او له افغانستان څخه د بهرنیو ځواکونو د وتلو له کبله ډیر شوي دي.

«سرتیریه! زما وینه تر تا سره نه ده»

د ملي دفاع وزارت چارواکو ویلي دي چې دغه شان کمپاینونه کولای شی چې د ملي اردو د سرتیرو له مورال سره مرسته وکړي.

موږ تعقيب کړئ