په ناحقه اخراج سوي افغان مهاجر د پناه غوښتنه بیرته رد سوې

افغانستان ته په ناحقه اخراج سوي یوه افغان مهاجر چي بیرته جرمني ته راوستل سوئ وو، اوس يې د پناه غوښتنه بيا د اخراج له خطر سره مخامخ ده.

المانۍ ورځپاڼي (شویبیشن ټاک بلت) د خپلي تیري جمعې ورځي په شماره کي د حشمت الله د افتخاري همکار اندریاس لیندر په حواله لیکلي دي چي دده د پناه غوښتني عریضه رد سوې ده. د حشمت الله مدافع وکیل مارکوس نید وروک یوه ورځ مخکي ترهغه د پنجشنبه په ورځ الماني خبري آژانس-dpa ته  ویلي ول، چي چارواکو د هغه د پناه غوښتنه د نه باور وړ اظهاراتو په دلیل ردکړې ده.

مدافع وکیل اوس د هغه د اظهاراتو پربنأ د زیگمارینگن ښار اداري محکمې ته د مرافعې غوښتنه کړې ده. هغه ویلي دي چي زه امیدواري له لاسه نه ورکوم.

حشمت الله ایف د تیر عیسوي کال د ډسمبر مياشتي په نیمايي کي افغانستان ته د هغه تر اخراج درې میاشتي وروسته بیرته جرمني ته راوستل سو. د مهاجرو او پناه غوښتني په برخه کي د جرمني فدرالي ادارې د هغه اخراج ته اشتباهأ اجازه ورکړې وه، که څه هم د اخراج پرضد یې د زیگمارینگن اداري محکمې ته عاجله عریضه رسیدلې او دوسیه یې لا تکمیله سوې نه وه. ځکه نو دغي محکمې حکم صادر کړ چي حشمت الله باید بیرته جرمني ته راوستل سي.

د خراب امنیتي وضعیت په سبب افغانستان ته اخراجیدل ډیره شخړه ایزه موضوع ده او د بشر د حقوقو سازمانونو له خوا ورباندي سخت انتقادونه کیږي.

حشمت الله د ۲۰۱۷م کال د جون پر دریمه جرمني ته راغلی و او د همدغي میاشتي پر ۸ یې د پناه غوښتنه کړې وه. خو هغه په دې دلیل رد سوه چي د بلغاريا له لاري اروپايي ټولني ته راغلی او د دوبلین د مقرراتو پراساس یې مسؤلیت بلغاریا پرغاړه لري.

د حشمت الله د خپلو څرگندونو پر اساس هغه له خپل هیواد څخه په دې دلیل تښتیدلی او رامهاجر سوی وو، چي له بهرنيو ځواکونو سره په همکارۍ د اردو د یوه غړي په توگه د طالبانو او داعش له خوا تهدیدیدی.

زموږ د ارشیف څخه یو انځوریز البوم(14.09.2017)

له آلمان څخه د افغانانو د اخراج پروسه ـ انځوريزه کرونولوژي

د بروکسل غونډه

د ۲۰۱۶ کال د اکتوبر مياشتې په لمړيو کې د بروکسل په غونډه کې افغانستان له اروپايي اتحاديې سره د مهاجرت پر موضوع يوې هوکړې ته ورسيدل، د دغې هوکړې له مخې د اروپايي اتحاديې غړو هيوادونو څخه افغانستان ته د رد شويو افغان مهاجرو د اخراج اسانه کړل شو.

له آلمان څخه د افغانانو د اخراج پروسه ـ انځوريزه کرونولوژي

د رد شويو افغانانو منل

د بروکسل د توافق له مخې، افغانستان دې ته حاضر شو چې د اروپايي اتحاديې د غړو هيوادونو لخوا رد شوي افغان مهاجر ومني.

له آلمان څخه د افغانانو د اخراج پروسه ـ انځوريزه کرونولوژي

اخراج او مرستې

د بروکسل په غونډه کې افغانستان د اروپايي اتحاديې لخوا مالي ملاتړ ترلاسه کړ، خو د بشر حقونو سازمانو پر دغې اتحاديې نيوکې وکړې چې دغه ملاتړ نبايد د مهاجرو له اخراج سره تړلي وي.

له آلمان څخه د افغانانو د اخراج پروسه ـ انځوريزه کرونولوژي

اخراج پر ضد مظاهرې

تر هوکړې وروسته د آلمان په مختلفو ښارونو کې د افغان مهاجرو د اخراج پر ضد ډیرې مظاهرې وشوي. افغان مهاجر او د هغو بهرني ملاتړي وايي چې افغانستان امن ندی.

له آلمان څخه د افغانانو د اخراج پروسه ـ انځوريزه کرونولوژي

لمړنی ډلييز اخراج

آلمان څخه کابل ته د افغان مهاجرو لمړنی ډليز اخراج د ۲۰۱۶ کال په سپټامبر مياشت کې ترسره شو. په دغه پرواز کې ۳۸ تنه ردشوي افغان مهاجر کابل ته بيرته وليږدول شول.

له آلمان څخه د افغانانو د اخراج پروسه ـ انځوريزه کرونولوژي

دويم ډليز اخراج

آلمان څخه د رد شويو افغان مهاجرو دويم ډليز اخراج د ۲۰۱۷ کال په جنورۍ مياشت کې ترسره شو. په دا ځل پرواز کې ۲۶ تنه افغانان کابل ته اخراج شول.

له آلمان څخه د افغانانو د اخراج پروسه ـ انځوريزه کرونولوژي

اخراجونو سره جوخت مظاهرې

که له ېوې خوا ډليز اخراجونه ترسره کيږي ورسره جوخت په ټول آلمان کې افغانانو ته دا حق ورکول کيږي چې د افغان مهاجرو د اخراج په ضد مظاهرې وکړي. په مظاهره کې يوازې افغانان نه بلکه آلمانان هم برخه اخلي. انځور په هامبورک ښار کې د مظاهرې يوه برخه.

له آلمان څخه د افغانانو د اخراج پروسه ـ انځوريزه کرونولوژي

دريم ډلييز اخراج

آلمان څخه د افغان رد شويو مهاجرو دريم ډليز اخراج د ۲۰۱۷ کال په فبرورۍ مياشت کې ترسره شو. په دې پرواز کې ۱۸ تنه افغانان کابل ته اخراج کړل شول.

له آلمان څخه د افغانانو د اخراج پروسه ـ انځوريزه کرونولوژي

د مظاهرو دوام

آلمان کې د مهاجرو ملاتړ کونکو او بشري سازمانونو په وار وار د افغان مهاجرو د اخراج ضد مظاهرو کې د افغانانو تر څنګ خپل اواز اوچت کړی دی. د آلمان ځيني ګوندونو هم د افغان مهاجرو له اخراج سره مخالفتونه ښکاره کړي دي. د بيلګې په توګه د ۲۰۱۷ کال په اپريل کې د آلمان د شلزويګ هولشتاين ايالت صدراعظم تروستن البیک د رد شويو افغان مهاجرو د اخراج بهير د درولو غوښتونکی شو.

له آلمان څخه د افغانانو د اخراج پروسه ـ انځوريزه کرونولوژي

اخراج شوي مهاجر او راتلونکې

افغانستان ته اخراج شوي افغان مهاجر ناهيلي ښکاره کوي. نور ايم رحمن له آلمان څخه په څلور پرواز کې کابل ته اخراج شو. د رحمن په څير اخراج شويو افغان مهاجرو لپاره تر ټولو ناهيلې کونکې خبره دا ده چې زيات وخت يې بې ګټي تير شوی دی. دوی له پاره په افغانستان کې له سره د نوی ژوند پيلول ګران کار بريښي.

له آلمان څخه د افغانانو د اخراج پروسه ـ انځوريزه کرونولوژي

څلورم ډليز اخراج

آلمان څخه کابل ته د ردشويو افغان مهاجرو څلورم ډليز اخراج د ۲۰۱۷ کال په مارچ مياشت کې ترسره شو. په دغه ځل ۱۵ تنه افغانان اخراج شول.

له آلمان څخه د افغانانو د اخراج پروسه ـ انځوريزه کرونولوژي

پنځم پرواز وځنډول شو

په کابل ښار کې د آلمان سفارت مخته د می مياشتې په ۳۱ نيټه د موټر بم ستره چاودنه وشوه. په دغې چاودنه کې شاوخوا ۱۵۰ تنه ووژل شول. د آلمان سفارت ودانۍ هم سخته زيانمنه شوه. آلمان دا ځل د افغانانو پنځم ډليز اخراج وځنډاوه.

له آلمان څخه د افغانانو د اخراج پروسه ـ انځوريزه کرونولوژي

د می ۳۱ مې بريد

کابل کې د ۲۰۱۷ کال د می مياشتې د ۳۱ مې بريد وروسته آلمان افغانستان ته د افغان مهاجرو اخراج د نامعلوم وخت لپاره ودراوه. دغه هيواد وپتيله چې د افغانستان د امنيتي وضعيت په اړه له سره کتنه وکړي. د مي ۳۱ بريد د آلمان سفارت مخته شوی وو چې دغه سفارت په کې سخت زيانمن شو.

له آلمان څخه د افغانانو د اخراج پروسه ـ انځوريزه کرونولوژي

تر درو مياشتو ځنډ وروسته د اخراج لړۍ بيا پيل

د رد شويو افغان مهاجرو وروستي ډلييز اخراج د ۲۰۱۷ کال د سپټمبر په ۱۲ نيټه د دوسلدورف له هوايي ډګر څخه ترسره شو. په دغه پرواز کې لږ تر لږه ۱۲ تنه افغانان کابل ته اخراج کړل شول. دا له هغه وخته چې آلمان حکومت د افغان مهاجرو اخراج تر يو نامعلوم وخت پورې درولی وو، لمړی ډليیز اخراج دی چې له دغه هيواده ترسره کیږي.

له آلمان څخه د افغانانو د اخراج پروسه ـ انځوريزه کرونولوژي

رد شوي افغان مهاجر

کابل ته رسيدلی یو نوی رد شوی افغان مهاجر. دغه ځوان د ۲۰۱۷ کال د سپټمبر په ۱۳ يعنې په وروستي پرواز کې افغانستان ته اخراج شوی دی.

له آلمان څخه د افغانانو د اخراج پروسه ـ انځوريزه کرونولوژي

اخراج د رايو ترلاسه کولو لپاره

د آلمان د مهاجرو له حقونو څخه د ملاتړ ادارې مشر ګهونتر بورکهارت د افغان مهاجرو د وروستي اخراج په اړه د آلمان حکومت پر اعلان سختې نيوکې وکړې. بورکهارت ویلي وو چې هغوی ځکه د انتخاباتو څخه يوازې څو ورځې د مخه دغه کار کوي تر څو وښيي چې د اخراج په مسئله کې جدي دي او په دې ترتيب رايي ترلاسه کړي. سرچينې: آژانسونه، انځورنه د دويچه ویله له آرشیف څخه

موږ تعقيب کړئ