په پاکستان کې یوې چاودنې ۱۲ کسان ووژل
۱۳۹۴ آذر ۲۲, یکشنبه
د پاړه چنار د عیدګاه په نوم بازار کې د دغې چاودنې له کبله د وژل شویو کسان شمیر کیدای شي تر دې هم لوړ وي. د کرم اېجنسۍ سیاسي مسوول امجد علي خان، ویلي دي: «لږ تر لږه ۱۲ کسان وژل شوي او ۵۰ تنه نور ټپیان دی.»
د پولیسو دوو لوړپوړو چارواکو د نوم د نه خپریدو په شرط پیښه تایید کړې ده. د هغوی له ډلې څخه یوه یې ویلي دي: «د بمونو د خنثی کولو یوه ډله اوس سیمې ته رسیدلې ده چې د چاودنې څرنګوالی روښانه کړي.»
سیمه ییزو رسنیو د چاودنې د سیمې انځورونه ښولي دي چې په کې یو شمیر کسان د چاودنې له کبله د تیښتې په حال کې لیدل کیږي.
د ټپي شویو کسانو یوه معالج ډاکټر د فرانسې خبري آژانس ته ویلي دي چې د ډیر شمیر ټپي شویو کسانو وضعیت د اندیښنې وړ دي او کیدای شي چې د چاودنې له کبله د وژل شویو کسانو شمیر تر دې هم لوړ شي.
لا تر اوسه پورې د پیښې پړه کومې ډلې پر غاړه نه ده اخیستې خو د پاکستان کې په دغې برخې کې ډیر وخت پر شیعه مسلمانانو باندې ډزې کیږي. د پاکستان له ۲۰۰ میلیوني نفوس څخه ۲۰ څه نا څه شل سلنه یې شیعه مسلمانان دي.
که څه هم د تیر کال دسمبر میاشتې راهیسې په ټول پاکستان کې د امنیت له دې کبله ښه شوی دی چې د دې هیواد پوځ په ټول هیواد کې د یاغیانو پر ضد پراخ عملیات په لاره واچول خو بیا هم وخت نا وخت دغه شان پیښې رامنځته کیږي.