په پولنډ کي د آوشويڅ-انسان وژني کمپ

په پولنډ کي د آوشويڅ-انسان وژني کمپ د آزادۍ ۶۶ کاليزه لمانځل کيږي. پوره شپږشپېته کاله د مخه د جنورۍ پر ۲۷ د وخت د شوروي اتحاد د سره پوځ لخوا د پولنډ د آوشويځ-بيرکيناو د انسان وژني کمپ آزاد سو. په دغه کمپ کي د ۱۹۴۰-۱۹۴۵ کاله پوري د نازي آلمان لخوا شاوخوا يو مليون انسانان ووژل سول، چي ډيری يې يهودان ول. کله چي هغه وخت سره پوځ دغه کمپ آزاد کړی يوازي ۷۰۰۰ کسه ژوندي پاته ول. د انسان وژني دغه کمپ ته اوس د پخواني ناورين يادګار ويل کيږي.