په کابل کي ځانمرګي برید ۲۶ کسان وژلي دي

د افغانستان د کورنيو چارو وزارت وياند ويلي دي چي د کابل په غربي سیمه کې د نن سهار د ځانمرګي برید د وژل شوو کسانو شمیر ۲۶ کسانو ته لوړ شوی او ۴۲ نور پکښې ټپیان شوي دي.

په ورته وخت کې د افغانستان د کورنیو چارو وزارت د یوې اعلاميې په خپرولو سره دغه برید «د بشریت پر ضد یو جرمي» برید ګڼلی دی. او ويلي ئې دي چي پکښې د وژل سوو کسانو شمېر ۲۶ کسانو ته رسېدلی دی. د دوی په خبره په چاودنه کي ۴۲ کسان نور ټپيان سوي هم دي چي د ډيرو ټپونه ژور دي.

د کابل د امنیه قوماندانۍ ویاند، بصیر مجاهد وايي چې د دوشنبې ورځې د سهار وختي دغه برید هدف د کانونو او پطرولیم وزارت د کارکوونکو انتقالوونکی بس وو. نوموړي زیاته کړه چې ټول وژل شوي او ټپیان ملکي کسان دي.

په دې برید کې یو ځانمرګي بریدګر د چاودیدونکو توکو ډک خپل موټر د دولتي کارکوونکو یو موټر په نخښه کړی دی.

د دغه ځانمرګي برید مسوولیت طالبانو منلی دی. د طالبانو یوه ویاند ذبیح الله مجاهد د برید مسئولیت منلی او ویلي يې دي چې دوی د ملي امنیت ادارې دوه موټره په نخښه کړي دي.

ځانمرگی بريد د افغانستان د اجرائيه رياست د مرستيال محقيق کور ته نژدې شوی دی. د محقيق وياند ويلي دي چي په پېښه کي يې مشر ته زيان نه دی رسېدلی.

لومړی انځورونه ښيي چي په سيمه کي کورونو او دوکانونو ته سخت زيان رسېدلی او وني سوځېدلي دي. دا په روان کال کي په کابل کي لسم ستر بريد دی.

تر ټولو خونړی په وزير اکبرخان مېنه کي وو چي تر ۱۵۰ زيات انسانان پکې ووژل شول او تر ۴۰۰ پوري پکښې ټپيان شول. د هغه بريد انځورونه دلته کتلای سئ:

په کابل کي د خونړۍ چاودني انځورونه

دغه خونړۍ پيښه (موټر بم چاودنه) د نن د چهارشنبې په ورځ سهار اته نيمي بجې په کابل کي د جرمني سفارت ته نژدې په زمبق څلور لاري کي رامنځ ته سوه.

په کابل کي د خونړۍ چاودني انځورونه

پيښيه داسي مهال رامنځ ته سوې اکثره خلک خپلو کارونو ته پرلاره وه. په دغه سيمه کي سهار او ماځيگر مهال سخته گڼه گوڼه وي. د پيښي مسئوليت تر اوسه پوري هيچا پرغاړه اخيستی نه دئ.

په کابل کي د خونړۍ چاودني انځورونه

چاودنه دومره پياوړې وه چي په سیمه کي نژدې ټولي بخې ودانۍ ئې زيانمني کړي دي.

په کابل کي د خونړۍ چاودني انځورونه

تر چاودني وروسته په سيمه کي اور بل سو او نژدې ۳۰ موټر چي پردغه لار يوه او بل اړخ ته روان ول ويجاړ سوي دي.

په کابل کي د خونړۍ چاودني انځورونه

د چاودني له ځايه لږ ليري هم موټرو اور اخيستی دئ.

په کابل کي د خونړۍ چاودني انځورونه

افغان چارواکو په لومړي سر کي تلفات ډېر لږ ښوولي ول.

په کابل کي د خونړۍ چاودني انځورونه

د افغانستان د عامي روغتيا وزارت د وروستيو معلوماتو له مخي په دغه پيښه کي ۸۰ کسان ول سوي او تر ۳۵۰ زيات ټپيان سوي دي.

په کابل کي د خونړۍ چاودني انځورونه

د جرمني د بهرنيو چارو وزارت د معلوماتو له مي په دغه چاودنه کي د سفارت يو افغان ساتونکی وژل سوی او يو کارکوونکی ټپي سوی دئ. په انځور کي د جرمني سفارت تر چاودني وروسته ښکاري.

په کابل کي د خونړۍ چاودني انځورونه

د جرمني سفارت ودانۍ اصلي بڼه

په کابل کي د خونړۍ چاودني انځورونه

تر چاودني وروسته د پيښي سيمه.

په کابل کي د خونړۍ چاودني انځورونه

د چاودني سيمي د پاک کارۍ چاري رواني دي.

موږ تعقيب کړئ