په کابل کې پوځي اکاډمي ته پر څیرمه پوستې برید شوی

د دفاع وزارت د چارواکو په وینا لږ تر لږه پنځو یاغیانو په کابل کې د پوځي اکاډمۍ تر څنګ پوستې باندې برید کړی دی چې په پایله کې يي یوولس عسکر وژل شوي او نور ۱۶ ټپیان دي. د برید پړه ترهګرې ډلې داعش پر غاړه اخیستې ده.

دا په کابل کې په روانه میلادي میاشت کې د طالبانو او داعش له لوري د ترسره شوو خونړیو بریدونو په ترڅ کې تازه پیښه ده. د تیرو څو ورځو بریدونو په کابل کې سلهاو کسانو ته مرګ ژوبله اړولې ده.

اوس د برید په پایله کې د وژل شوو کسانو شمیر یوولسو او د ټپیانو بیا ۱۶ ته لوړ شوی دی. د افغانستان د دفاع وزارت ویاند دولت وزیري ویلي دي چې ټول قربانیان د افغانستان د ملي اردو سره تړاو نیسي.

تر دې د مخه دولت وزیري، ویلي وو چې پنځه عسکر وژل شوي دي او لس نور ټپیان دي. د اسلامي دولت ترهګرې ډلې یا داعش د خپل خبري آژانس «اعماق» په واسطه د دغه برید مسوولیت منلی دی.

دولت وزیري د فرانسې خبري آژانس ته ویلي دي چې د افغانستان د اردو یو کنډک د دوشنبې په سهار تر برید لاندې راغلی. دولت وزیري په خپلو خبرو کې ویلي دي: «دوو برید کوونکو په خپله ځانونو ته چاودنه ورکړې او دوه نور زموږ د امنیتي ځواکونو له لوري وژل شوي او یو تن ژوندی نیول شوی. جګړه ختمه شوې خو له بده مرغه پنځه تنه مړي، او لس ټپیان لرو.»

وزیري په خپلو خبرو کې وړاندې ویلي دي چې امنیتي ځواکونو ته یو راکټ، دوه کلاشینکوفونه او یو ځانمرګی واسکټ په لاس ورغلي دي. د چارواکو په خبره دغه پيښه د مارشال فهیم پوځي اکاډمۍ ته څیرمه د اردو پر پوستې رامنځ ته شوی دی، چې د برید احتمالي هدف ګڼل کیږي. په اکاډمۍ کې یو افسر نوموړي خبري آژانس ته ویلي دي چې دوی د یوې چاودنې او ډزو غږ اوریدلي دي.  یوې افغان امنیتي سرچینې د نوم د نه ښوولو په شرط نوموړي خبري آژانس ته ویلي دي چې برید کوونکي پر دې نه دي توانیدلي چې ودانۍ ته ننوځي.

عیني شاهدانو فرانس پرس، ته ویلي دي چې سهار مهال شا او خوا پر پنځو بجو یې د څو چاودونو او ډزو غږونه اوریدلي دي. تر هغې وروسته امنیتي ځواکونه د پيښې ځای ته ورسیدل او دغه ځای ته تلونکي لارې یې وتړلي.

په اکتوبر میاشت کې د طالبانو یوه ځانمرګي برید د دغې اکاډمۍ ۱۵ روزونکي هغه مهال ووژل چې له پوهنتون څخه د کور پر لور روان ول.

دا په داسې حال کې ده چې په افغانستان کې د طالبانو او داعش په شمول یاغیانو په وروستیو میاشتوې کې پر افغان امنیتي ځواکونو باندې بریدونو ته زور ورته کړی دی. پر دې سربیره پلازمېنه کابل په تیرو څو ورځو کې د دوو سختو بریدونو شاهد وو.

زموږ له آرشیف څخه:

انځورونه: په کابل کې د انتر کانتینینتل هوټل برید پای ته رسیدلی

دغه هوټل د انتر کانتینینتل ځنځیري هوټلونو یو له څانګو څخه ده چې په افغانستان کې په ۱۹۶۰ م کال کې رغول شوی.

انځورونه: په کابل کې د انتر کانتینینتل هوټل برید پای ته رسیدلی

تر دې برید مخکې په ۲۰۱۱م کال کې هم د وسلوالو کسانو تر برید لاندې راغلی وو چې هغه وخت هم دغه راز ډله ایز برید مرګ ژوبله درلوده.

انځورونه: په کابل کې د انتر کانتینینتل هوټل برید پای ته رسیدلی

د کورنیو چارو وزارت ویاند نجیب دانش رسنیو ته د برید په هکله وویل چې په دې پیښه کې د دریو امنیتي سرتیرو په ګډون شپږ تنه نور ټپیان شوي دي. نوموړي زیاته کړه چې تر برید وروسته یې له هوټل څخه د ۴۱ بهرنیو اتباعو په ګډون له ۱۵۰ ډیر کسان ژغورلي هم دي.

انځورونه: په کابل کې د انتر کانتینینتل هوټل برید پای ته رسیدلی

د افغان چارواکو په حواله، د دې هوټل امنیتي چارې په دې وروستیو کې یوې خصوصي امنیتي شرکت ته ورکړل شوي دي. نجیب دانش رسنیو ته په دې هکله وویل چې تر پلټنو وروسته به معلومه شي چې په دې پیښه کې یاد خصوصي شرکت ګرم دی او که نه.

انځورونه: په کابل کې د انتر کانتینینتل هوټل برید پای ته رسیدلی

د کورنیو چارو وزارت دغه ویاند همدا راز وویل چې امنیتي ځواکونه اوس خونه په خونه ګرځي ترڅو ډاډمن شي چې د هوټل په ودانۍ کې نور بریدګر پټ نه وي.» دانش زیاتوي چې: «اوسمهال موږ په دې برید کې یوازې د یوه بهرني کس وژل کیدل تائیدولی شو.

انځورونه: په کابل کې د انتر کانتینینتل هوټل برید پای ته رسیدلی

تر اوسه پورې دا هم لا معلومه نه ده چې د برید پرمهال په دې هوټل کې څومره میلمانه موجود وو. دغه هوټل د انتر کانتینینتل ځنځیري هوټلونو یو له څانګو څخه ده چې په افغانستان کې په ۱۹۶۰ م کال کې رغول شوی.

انځورونه: په کابل کې د انتر کانتینینتل هوټل برید پای ته رسیدلی

تر برید وروسته، امنیتي ځواکونه سمدلاسه سیمې ته ورسیدل او د میلمنو او د هوټل د کارکوونکو په ژغورنه یې پیل وکړ. یاده سیمه تر برید وروسته د امنیتي ځواکونو لخوا کلابنده شوې او د موټرو د تګ را تګ پر مخ تړل شوې.

انځورونه: په کابل کې د انتر کانتینینتل هوټل برید پای ته رسیدلی

افغان امنیتي چارواکو دا تائید کړې چې د برید پرمهال د افغانستان د مخابراتو او معلوماتي ټکنولوجۍ د څانګې ۳۴ ولایتي ریسان په دې هوټل کې د یوه کنفرانس له پاره چې د مخابراتو او معلوماتي ټکنالوژۍ وزارت لخوا ترتیب شوی وو، راټول شوي وو.

انځورونه: په کابل کې د انتر کانتینینتل هوټل برید پای ته رسیدلی

د افغانستان د مخابراتو او ټکنالوژۍ وزرات پر خپله رسمي فیسبوک پاڼه لیکلي چې د کابل د هوټل په برید کې د فراه ولایت د مخابراتو او معلوماتي ټکنالوژۍ ریس هم وژل شوی او په دې هکله یې خپله خواخوږي څرګنده کړې.

انځورونه: په کابل کې د انتر کانتینینتل هوټل برید پای ته رسیدلی

تر اوسه پورې د برید مسوولیت کومې ډلې په غاړه نه دی اخیستی. په ځايي تلویزیونونو کې د برید په هکله انځورونو کې لیدل کې چې تر برید وروسته په هوټل کې اور هم لګېدلی او ځینې کسان د هوټل له کړکیو د تیښتې هڅه کوي.

انځورونه: په کابل کې د انتر کانتینینتل هوټل برید پای ته رسیدلی

دغه برید په داسې حال کې ترسره کیږي چې څو ورځې مخکې د ملګرو ملتونو د امنیت شورا یوه پلاوي کابل ته سفر کړی وو. د دوی د سفر موخه د افغانستان د امنیتي وضعیت له نږدې څخه لیدل وو. بل لوري ته بیا څو ورځې مخکې داسې رپوټونه هم خپاره شول چې د طالبانو ځینو استازو په پاکستان او ترکیه کې د سولې د شورا او همدا راز له افغان چارواکو سره په افغانستان کې د پخلاینې او سولې په هکله کتنې او خبرې هم کړي.

موږ تعقيب کړئ