په کرم ايجنسي کي چاودنې ۲۰ انسانان ووژل

د پاکستان د خيبر پښتونخوا د کرم ايجنسۍ د پاړا چنار سيمي په يو بازار کي چاودنې لږ تر لږه ۲۰ انسانان وژلي دي. د چارواکو په وينا په لسهاؤ نور انسانان ژوبل سوي هم دي.

د افغانستان و پولي ته څېرمه د پاړا چنار په «سبزي منډۍ» کي د شنبې ورځي (د ۲۰۱۷ کال د جنورۍ ۲۱مه نېټه) په سهار په ۸:۵۰ بجو يوه چاودنه وسوه. دا په داسي حال کي چي په دغه وخت په ياد بازار کي د انسانانو ډېره ګڼه ګوڼه وه. چارواکو ويلي چي اټکل کوي چي دغه چاودنه د يو په کور کي جوړ کړل سوي بم د چاودېدنې له کبله رامنځ ته سوې ده.

د کرم ايجنسۍ د هېډکوارټرز روغتون يو ډاکټر صابر حسين ويلي دي چي په دغه پېښه کي «لږ تر لږه ۲۰ انسانان وژل سوي او تر ۵۰ زيات ژوبل سوي دي.» صابر حسين ويلي دي چي ۱۵ هغه ژوبل سوي کسان چي روغتيايي وضعه يې د اندېښنې وړ وه، د ګاوندۍ صوبې يا ولايت و روغتون ته لېږدول سوي دي.

د اکرام الله خان په نوم يو چارواکي ويلي چي د دغي پيښي وروسته په سيمه کي اضطراري حالت اعلان سوی دی.

اکرام الله خان ويلي چي داسي اټکل کوي چي بم د سابه ؤ په يوه داسي رېړۍ کي پټ کړل سوی ؤ چي له دباندي څخه دغه ځای ته راوستل سوې وه.

د دغه بريد پړه تر اوسه چا په غاړه نه ده اخيستې. د پاکستان د پوځ د رسنيو د څانګې له خوا ويل سوي چي د بريد وروسته سيمي ته امنيتي قواوي ولېږدول سوې چي سيمه يې کلابنده کړه. زياته سوې چي ژوبل سوي کسان د څرخي الوتکو په مرسته و روغتونونو ته رسول سوي دي.

د پاکستان سياسي مشرانو د پاړه چنار دغه چاودنه په سخته غندلې ده. د دغه هيواد د کورنيو چارو وزير چوهدري نثار علي خان امر کړی چي د دغې پيښي پلټنې دي پېل سي.

کرم فاټا د ۷ نيمه خپلواکمنو قبايلي ايجنسيانو څخه يوه ده. په دغه سيمه کي تر ۲۰۰۸ پوري وسله وال طالبان واکمن ول تر څو پر ضد يې د پاکستان پوځ عملياد پېل کړل.

پر ورته موضوع یو انځوريز البوم زموږ له آرشيف څخه (25.11.2016): 

آیډیاز ۲۰۱۶، د پاکستان د جنگي وسلو نندارتون

د پاکستان د پخواني ولسمشر پرویز مشرف د واکمنۍ پر مهال د پېل شوي د دغه نندارتون نهمه دوره د نومبر میاشتې په ۲۲ نېټه په ایکسپو سینټر کراچي، کې د پاکستان لومړي وزیر نواز شریف پرانیسته. په پرانیستغونډه کې د پاکستان لوی درستيز راحیل شریف او د هوايي او سمندري ځواکونو مشرانو هم برخه درلوده.

آیډیاز ۲۰۱۶، د پاکستان د جنگي وسلو نندارتون

په آیډیاز ۲۰۱۶، کې د ۴۳ هیوادونو شرکتونه او ستازي گډون لري.

آیډیاز ۲۰۱۶، د پاکستان د جنگي وسلو نندارتون

پاکستان له اوکراین سره یو دفاعي تړون کړی دی چې له مخې به په پاکستان کې د الخالد، په نوم جوړیدونکو ټانکونو له پاره اوکراین ماشینونه جوړوي.

آیډیاز ۲۰۱۶، د پاکستان د جنگي وسلو نندارتون

پاکستان له ترکیې سره د مشتاق، په نوم د روزنیزو الوتکو د خرڅلاو تړون کړی دی او د چین په مرسته د جي اف ۱۷ تهنډر، الوتکو د عصري کولو تړون بیا له یوه فرانسوي شرکت سره شوی دی. له بل اړخه د آگسټا، نومې اوبتل د عصري کولو له پاره د پاکستان او ترکیې تر منځ تړون شوی دی.

آیډیاز ۲۰۱۶، د پاکستان د جنگي وسلو نندارتون

په دغه نندارتون کې بیلا بیل ډول وسلې نندارې ته وړاندې شوي دي.

آیډیاز ۲۰۱۶، د پاکستان د جنگي وسلو نندارتون

په نندارتون کې په پاکستان کې جوړې شوې بې پیلوټه الوتکې یا ډرون هم نندارې ته ايښودل شوي دي. براق، نومې ډرون د متحرک هدف د په نښه کولو وړتیا هم لري.

آیډیاز ۲۰۱۶، د پاکستان د جنگي وسلو نندارتون

د روسیې، چین، ترکیې، اوکراین، فرانسې او بلجیم د وسلو جوړولو شرکتونو هم د گډونوالو توجه ځان ته را اړولې وه.

آیډیاز ۲۰۱۶، د پاکستان د جنگي وسلو نندارتون

په پاکستان کې جوړ شوی د بم ضد زغروال موټر د لومړي ځل له پاره نندارې ته وړاندې شوی دی. پر دغه موټر چې پکښې ۱۱ تنه ځایږي د «حمزه» نوم ایښول شوی دی. دغه موټر چې په عصري وسایلو سمبال دی د جگړې سربیره د ترهگرۍ ضد اقداماتو کې هم ترې کار اخیستل کیدای شي.

آیډیاز ۲۰۱۶، د پاکستان د جنگي وسلو نندارتون

پاکستان په جنوبي آسیا کې هغه هیواد چې په منظمه توگه دفاعي نندارتون جوړوي. د کارپوهانو په وینا د پاکستان وسلې او نور دفاعي سامان آلات د نړیوال معیار سره برابر دي.

اړوند مطالب

موږ تعقيب کړئ