په کندهار کي د ملکيانو د وژنو په اړه د پلټنو غوښتنه

د بشري حقونو د څار ټولني په کندهار کي پر هغو ځانگړو افغان ځواکونو د ملکیانو د وژلو تورونه لگول شوي چې په ملي امنيت ادارې پوري اړه لري. هغوی د حکومت او امريکا پوځ د شريکې پلټنې غوښتنه کړې ده.

د بشري حقونو د څار ټولنې (Human Rights Watch) د افغانستان د ملي امنيت پر رياست د جنورۍ مياشتې په پای کې په کندهار کې د عملياتو پر وخت د ۲۰ ملکيانو د وژلو تور لگولی دی.

د څار دغي ادارې د چهار شنبې په ورځ (۲۰۱۸م کال د فيبرورۍ ۲۱ نيټه) په خپره کړې اعلاميه کې ويلي دي چې د ملي امنيت ادارې يوه ځانگړي واحد پر هغو ملکيانو ډزي کړي دي چې د ميوند ولسوالۍ په بند تيمور سيمه کې پر طالبانو د امريکا متحدو ايالاتو د هوايي بريدونو له ويري په تيښته ول.

يوه عيني شاهد د بشري حقونو د څار ټولني ته د تليفون له لاري ويلي دي: «کله چې الوتکي راغلې موږ وتښتيدو.» هغه زياته کړې: «موږ د منډو په حال کې وو چې هغوی راباندي ډزې وکړې.»

د بشري حقونو دغي ټولني دا تورونه هم لگولي دي چې امنيتي ځواکونو «ځيني نارينه له خپلو کورونو را وايستل او فايرونه یې پرې وکړل. »

د څار د ټولنې له خوا په وړاندي کړل شوي رپوټ کې ويل شوي دي چې په دې ترڅ کې ۵۰ تنه وسله وال طالبان هم وژل شوي دي. زياته شوې ده چې ښايي دا وژنې په دې وروستيو کې د طالبانو له خوا په ټول هيواد کې له خونړيو بريدونو سره تړاو ولري چې يوازي په کابل کې يې په سونو انسانان ووژل.

د بشري حقونو د څار ټولنې په حواله د دې عملياتو مشري د ميوند ولسوالۍ د پوليسو مشر کوله چې د کندهار امنيې قوماندان جنرال عبدالرازق ته بايد رپوټ وړاندې کړي. پر جنرال رازق هم مخکي داسې تورونه لگول شوي دي چې گویا له بشري حقونو څخه یې سرغړونه کړې ده.

د ملکي تلفاتو په اړه د ملگرو ملتونو په کلني رپوت کې چې تيره اوونۍ خپور شو، ويل شوي دي چې په تيرو دولسو میاشتو کې د افغانستان د ملي امنيت ادارې د ځانگړو ځواکونو له لاسه ۶۱ ملکيان وژل شوي او ۲۵ ټپيان شوي دي.

ملگرو ملتونو خبرداری ورکړی چې داسې ښکاري چې ځانگړي ځواکونه د ملي امنيت تر قوماندې دباندې عمليات ترسره کوي چې دا  «د غير دقيق نظارت او غير مسولانه چلن» پايله ده.

)dpa (B.S/N.Z

زموږ له آرشيف څخه: 

انځورونه: د افغانستان کوماندو ځواکونه څوک دي؟

د افغانستان د اردو کوماندو هغه مخکښ سرتیري دي چې تر مخه په نورو برخو کې فعاله وو او ځانګړي قابلیتونه یې درلودل.

انځورونه: د افغانستان کوماندو ځواکونه څوک دي؟

دغه ځواکونه د تروریزم ضد عملیاتو کې اغیزناک نقش لري او د افغانستان په خطرناکو سیمو کې ضربتي او تاکتیکي عملیات پر لاره اچوي.

انځورونه: د افغانستان کوماندو ځواکونه څوک دي؟

د افغانستان د اردو چارواکي وایي چې ځواکونه یې له خاصو مهارتونو برخمن دي. اوس مهال د ځانګړو عملیاتو لویه برخه دغه ځواکونه پر مخ وړي.

انځورونه: د افغانستان کوماندو ځواکونه څوک دي؟

د افغانستان د چارواکو په وینا یوازې د اردو د کوماندو نهم کنډک، د افغانستان په لویدیځ کې په روان کال کې تر ۲۰۰ پوځي عملیات تر سره کړي دي. څلور عملیات د هیواد په نورو زونونو کې ول او نور بیا د هرات، فراه، غور او بادغیس په ولایتونو کې تر سره شوي دي.

انځورونه: د افغانستان کوماندو ځواکونه څوک دي؟

د افغانستان په لویدیځ کې د کوماندو د دوهمې لوا د نهم کنډک ویاند تورن مجیب الرحمان امیني وایي، چې په دغه حوزه کې د تر سره شوو عملیاتو په پایله کې ۱۸۵ وسلوال طالبان وژل شوي او نور ۲۱۵ تنه ټپیان شوي دي.

انځورونه: د افغانستان کوماندو ځواکونه څوک دي؟

د چارواکو په خبره هر کال د سرتیرو په عملي وړتیا کې ډیر بدلون راغلی چې دغه څه د سرتیرو د انګیزې او مورال پر لوړیدو باندې خاص اغیز لرلی دی.

انځورونه: د افغانستان کوماندو ځواکونه څوک دي؟

د افغان چارواکو په خبره افغان کوماندو ځواکونه د تشکیل، روزنې او تجهیز په برخه کې د ناټو د پریکړنده ملاتړ ځواکونو له لوري حمایه کيږي او همداشان د ځینو عملیاتو په ترڅ کې د هغوی هوایي ملاتړ ډیر اغیزناک ثابت شوی دی.

انځورونه: د افغانستان کوماندو ځواکونه څوک دي؟

د افغانستان په لویدیځ کې د کوماندو د نهم کنډک سرتیري په یوه تعلیمي مرکز کې لیدل کیږي، چې د هرات ښار سویل ته په شل کیلومترۍ کې پروت دی.

انځورونه: د افغانستان کوماندو ځواکونه څوک دي؟

د افغانستان د دفاع وزارت په وروستیو کې اعلان وکړ چې اردو یې داسې عملیات تر سره کوي، چې یوه څلویښت کلنه اردو یې باید وکړي. دا په داسې حال کې ده چې د افغانستان د اردو له جوړیدو یوازې ۱۶ کاله تیریږي.

انځورونه: د افغانستان کوماندو ځواکونه څوک دي؟

د افغانستان د اردو ځانګړو ځواکونو په شپنیو عملیاتو کې هم بریاوې لرلي دي. دغو ځواکونو د یاغیانو له منګولو څو وارې برمته شوي کسان آزاد کړي او د هغوی پټنځایونه یې له منځه وړي دي.

انځورونه: د افغانستان کوماندو ځواکونه څوک دي؟

د افغانستان له پاره د امریکا متحده ایالاتو د نوې ستراتیژۍ له مخې، د دغو ځواکونو یو ماموریت د طالبانو پر مخدره توکو بریدونه دي چې طالبان ترې د خپل جنګي لګښتونو د تأمین له پاره استفاده کوي.

انځورونه: د افغانستان کوماندو ځواکونه څوک دي؟

د امریکا متحده ایالاتو د دفاع وزارت د تروریزم پر ضد عملیاتو کې په کراتو د افغان ځانګړو او کوماندو ځواکونو وړتیاوې ستایلي دي.

انځورونه: د افغانستان کوماندو ځواکونه څوک دي؟

ځانګړي ځواکونه د تصفوي عملیاتو، کورونو د تلاشي او د ترهګرو ډلو د ځپلو په برخه کې ځانګړې روزنې ترلاسه کوي.

انځورونه: د افغانستان کوماندو ځواکونه څوک دي؟

M4 نومې امریکایي وسلې پرمختللي دوربین لرونکي پوڅي تجهیزات دي چې په تیر نزدې وخت کې د ناټو ځواکونو له لوري افغان کوماندو ځواکونو ته ورکړل شوي دي. د افغانستان کوماندو ځواکونه قسما د ناټو ځواکونو په وسلو او تجهیزاتو سمبال دي.

انځورونه: د افغانستان کوماندو ځواکونه څوک دي؟

په کابل کې تر وروستیو خونړیو بریدونو وروسته د افغانستان ولسمشر ویلي دي چې له طالبانو به یې هغې غچ واخلي. د متحده ایالاتو ولسمشر هم ویلي چې له طالبانو سره خبرې نه کوي او د یاغیانو پر سرکوبولو یې ټینګار کړی دی. په دې ترتیب د افغانستان کوماندو ځواکونو د شپنیو عملیاتو له پاره خپل چمتووالی ډیر کړی دی. لیکوال، انځورونه: شعیب تنها

موږ تعقيب کړئ