پولندي کلیسا: د مهاجرو ضد مظاهرو کې ګډون کونکي کشیشان به ګوښه کړو

د پولند د کاتولیک کلیسا افتخاري مشر ویلي دي چې په کلیساګانو کې به د هغو کشیشانو غړیتوب وځنډول شي چې د مهاجرو ضد مظاهرو کې یې ګډون کړی وي.

د پولند د کاتولیکي کلیساو افتخاري مشر ووچیک پولاک، د چهارشنبې په ورځ د Roman Catholic weekly magazine اونیزې مجلې سره په یوه مرکه کې ویلي دي: «که ما واوریدل چې زما کوم کشیش په یوې داسې مظاهرې کې برخه اخیستې ده چې د مهاجرو ضد وي، نو زما غبرګون به ډیر چټک وي او د هغو کشیشانو دندې به وځنډول شي».

نوموړي زیاته کړه: «بله کومه لاره نشته. زه د خپلې اړوندې سیمې مسئولیت لرم. په هر داسې یو حالت کې چیرې چې کوم کشیش په کومه شخړه کې د یوه اړخ پلوي یا ملاتړ وکړي، زه باید عاجل اقدام وکړم».

په پولند کې د مختلفو سروې ګانو څخه معلومه شوې ده چې د دغه هیواد د ولس اکثریت په خپل هیواد کې د مهاجرو د میشت کولو مخالفت کوي. د پولند لومړی وزیر چې د ښي اړخي ګوند پورې اړه لري لا پخوا ویلي دي چې هغه په پولند کې د مهاجرو د میشت کلولو په باب د اروپایې اتحادیې د پروګرام برخه جوړیدل نه غواړي. هغه دا اقدام د اروپایې اتحادیې له خوا بلیک میل کول بللي وو.

پولاک د پولنډ په ټولنیزو رسنیو کې د مهاجرو د پلویانو او مخالفینو تر منځ په بحثونو کې هم فعاله ونډه لري.

اروپایې اتحادیې پریکړه کړې وه چې په یونان او ایټالیا کې موجود مهاجر به په عادلانه توګه د دغې اتحادیې پر غړو هیوادونو وویشي، تر څو په دې توګه وکولی شي پر دغو دوو هیوادونونو د مهاجرت د کړکیج له کبله موجود فشار را کم کړي.

خو هنګري، پولند، سلواکیې او چک جمهوريت د دې پروګرام پر بنسټ په خپلو هیوادونو کې مهاجرو ته له پنا ورکولو څخه انکار کوي. ایټالیا او یونان هغه هیوادونه دي چې د لوړ شمیر مهاجرو له کبله تر سخت فشار لاندې دي.

د هنګري لومړي وزیر وکتور اوربان په وار وار سره د مهاجرو او مسلمانانو اړوند شخړیزې ویناوې کړي دي. هغه وایې چې د مهاجرو په منلو سره به د هنګري مسیحي دين او کلتور ته زیان ورسیږي. اوربان په دې اړه څو ورځې مخکې د پولند هیواد په دوره هم تلی وو.

د مهاجرو د کړکیج د اوج پر مهال هنګري یو له هغو هیوادونو څخه وو چې تر ټولو د مخه یې د مهاجرو پر مخ خپلې سرخدي پولې تړلې وې.

پر اړونده موضوع زموږ له آرشیف څخه انځوریز رپوټ: 

مهاجرو ته د آلمان د سرحدونو پرانیستلو دوه کاله وروسته

د ۲۰۱۵م کال اګست میاشت

د ۲۰۱۵م کال د اګست میاشتې پر ۲۵ نیټه، آلمان پریکړه وکړه چې د سوريې د مهاجرو له پاره د ډبلین تړون مات کړي. دا کار په دې معنی دی چې له سوریې څخه راغلي مهاجر به بیرته د اروپايي ټولنې هغه هیواد ته نه استول کیږي چې دوی ورته په اول سر کي راغلي وي

مهاجرو ته د آلمان د سرحدونو پرانیستلو دوه کاله وروسته

د اګست میاشتې پر۳۱ نیټه، په داسې حال کې چې اروپايي ټولنه د تیرو کلونو په ترڅ کې د مهاجرت له داسې یو کړکیچ سره نه وه مخامخ شوې، انګلا ميرکل اعلان وکړ چې «موږ دا کار کولای شو». په منځني ختیځ په ځانګړې توګه سوریه کې جګړه او په پایله کې یې د آلمان له لوري په سونو زره سوریايي مهاجرو ته پناه ورکړل شوه. ميرکل دغه کار ملي دنده وګڼله.

مهاجرو ته د آلمان د سرحدونو پرانیستلو دوه کاله وروسته

د ۲۰۱۵م کال سپتمبر میاشت

د همدې کال د سپتمبر میاشتې پر ۴مه نیټه، آلمان او اتریش په هنګري کې بند پاتي مهاجرو منل پیل کړل. د آلمان د مونشن د ریلونو په مرکزي تمځای کې، آلماني رضا کارانو په لاسونو کې د لوحو په نیولو او د شیرینيو په ویشلو سره د مهاجرو ښه راغلاست ووايه. په دې کار سره آلمان خپل د ښه راغلاست فرهنګ وښود او دغه هیواد په اروپا کې مهاجرو ته په یوه ښه هیواد بدل شو.

مهاجرو ته د آلمان د سرحدونو پرانیستلو دوه کاله وروسته

د ۲۰۱۵م کال اکتوبر میاشت

اروپايي ټولنې او ترکیې د اروپايي ټولنې هیوادونو ته د مهاجرو د راتګ په هکله یو ګډ کاري پلان جوړ کړ. د همدې اکتوبر میاشتې پر ۱۵نیټه، د آلمان پارلمان یا بوندیستاګ د پناه غوښتنې په قانون کې بدلون راوست او په دې بدلون سره یې البانیا، کوسوو او مونتینګرو خوندي هیوادونه وګڼل.

مهاجرو ته د آلمان د سرحدونو پرانیستلو دوه کاله وروسته

د ۲۰۱۵م کال نومبر میاشت

په دې میاشت کې د کښته درجې محافظت لرونکو پناه غوښتونکو د کورنیو د یوځای والي حق وځنډول شو. سربیره پر دې، د آلمان حکومت پریکړه وکړه چې په آلمان کې د هغو مهاجرو له پاره چې په دې هیواد کې د پاتېدو لږ چانس لري، د اوسیدو ځانګړي ځایونه رامنځ ته کړي.

مهاجرو ته د آلمان د سرحدونو پرانیستلو دوه کاله وروسته

د ۲۰۱۵م کال دسمبر میاشت

په دې میاشت کې د اروپايي ټولنې کمیسیون پر یوه داسې وړاندیز کار پیل کړ چې له مخې یې دغه کمیسیون کولای شي د دې ټولنې غړي له دې امله جریمه کړي چې نه غواړي د مهاجرو یو ټاکلی شمیر ومني.

مهاجرو ته د آلمان د سرحدونو پرانیستلو دوه کاله وروسته

د ۲۰۱۶م کال جولای میاشت

د جولای میاشتې پر ۱۹ نیټه یو ۱۷ کلن افغان مهاجر د آلمان په ورڅبورګ ښار کې په اور ګاډي کې پر۲۰ سپرلیو برید وکړ. له دې پیښې شپږ ورځې وروسته، یو بل سوریايي پناه غوښتونکي د آلمان په بل جنوبي ښار انسباخ کې په خپل ځان پورې تړلي چاودیدونکو توکو ته چاودنه ورکړه او خپل ځان یې وواژه. په دې پیښه کې ۱۲ کسان نور ټپیان شول.

مهاجرو ته د آلمان د سرحدونو پرانیستلو دوه کاله وروسته

د ۲۰۱۶م کال دسمبر میاشت

د دسمبر میاشتې پر ۱۴ نیټه آلمان د رد شوو افغان مهاجرو لومړنۍ چارتر الوتکه د کابل پر لور ولیږله. د همد دسمبر میاشتې پر ۱۹ نیټه، رد شوي تونسي مهاجر انیس عامري یوه لارۍ د برلین په کریسمس بازار کې پر خلکو ور وځغلوله چې پکښې ۱۲ کسان ووژل شول او ۵۶ نور ټپیان شول. نوموړی بیا وروسته د ایټالیا په میلان ښار کې د پولیسو په ډزو کې ووژل شو.

مهاجرو ته د آلمان د سرحدونو پرانیستلو دوه کاله وروسته

د ۲۰۱۷م کال فبروري میاشت

انګلا میرکل د رد شوو مهاجرو په ځانګړې توګه د افغان مهاجرو د چټک اخراج په هکله خپله نوې تګلاره معرفي کړه. د دې تګلارې د ژر معرفي کولو او د رد شوو مهاجرو د چټک اخراج د انیس عامري له برید سره ربط درلود.

مهاجرو ته د آلمان د سرحدونو پرانیستلو دوه کاله وروسته

د ۲۰۱۷م کال مارچ میاشت

د همدې کال په مارچ میاشت کې د آلمان صدراعظمې انګلا میرکل له تونس هیواد سره یو تړون لاسلیک کړ چې له مخې یې دغه هیواد اړ دی خپل ۱۵۰۰ رد شوي مهاجر بیرته له آلمان څخه ومني.

مهاجرو ته د آلمان د سرحدونو پرانیستلو دوه کاله وروسته

د ۲۰۱۷م کال اګست میاشت

د اګست میاشتې پر ۱۱ نیټه انګلا میرکل د مهاجرو له پاره د ملګرو ملتونو له کمیسار فلیپو ګراندي سره وکتل او په دې کتنه کې میرکل د مهاجرو له پاره د ملګرو ملتونو عالي کمیسارۍ او د مهاجرت نړیوال سازمان ته یې د ۵۹ میلیون ډالرو د مرستې اعلان وکړ. نوموړې همدا راز د مدیترانې سمندرگي پر لار له انساني قاچاقبرانو سره د مبارزې د مرستو په هکله د خپل ملاتړ ژمنه هم وکړه.

مهاجرو ته د آلمان د سرحدونو پرانیستلو دوه کاله وروسته

د اګست میاشتې پر ۲۸ نیټه د آلمان صدراعظمه انګلا میرکل د فرانسې په پلازمېنه پاریس کې د اروپايي او افریقايي هیوادونو له مشرانو سره وکتل، څو اروپا ته د مهاجرو د ډیر راتګ د ستونزې په هکله خبرې او بحثونه وکړي.

موږ تعقيب کړئ