کویټې ته څیرمه ترافیکي پيښې ۱۳ کسان ووژل

د پاکستان په سویل لویدیځ ایالت بلوچستان کې یو مني بس او سرویس موټر سره جنګیدلي دي، چې په پایله کې یې لږ تر لږه د ۱۳ تنو د وژل کیدو رپوټ ورکړل شوی دی. په پيښه کې یو شمیر کسان ټپیان شوي هم دي.

د آلمان خبري آژانس په خپل رپوټ کې د پولیسو له قوله لیکلي دي چې ظاهرا دغه پيښه د زیات سرعت له کبله رامنځ ته شوې ده. پيښه د بلوچستان ایالت مرکز کویټه په اطرافو کې رامنځ ته شوې ده.

د محمد اکبر په نوم د پولیسو یوه ځایي چارواکي نوموړي خبري آژانس ته ویلي دي چې «په پيښه کې لږ تر لږه ۱۳ تنه وژل شوي دي.»

په کویټه کې د ملکي روغتون د ډاکټرانو په خبره روغتون ته ۲۴ ټپیان وروړل شوي دي او اندیښنه یې څرګنده کړې ده چې ښایي د مړو شمیر لوړ شي. ویل شوي دي چې د یو شمیر کسانو روغتیايي حالت د اندیښنې وړ دی.

د پاکستان لومړي وزیر شاهد خاقان عباسي، د دفتر له لوري په خپرې شوې بیانیه کې پر دغه پیښه باندې خواشیني ښوول شوې ده.

په پاکستان کې هر کال د ترافیکي پيښو په پایله کې زرونه انسانان خپل ژوند له لاسه ورکوي. خراب سړکونه، زړې موټرې او بې پروا موټر چلونکي د دغو پيښو اصلي علتونه ګڼل کیږي.

په ورته موضوع زموږ له آرشیف څخه د انځورونو ګالري: 

تر ټولو زيات ترافيکي بندښت په کومو ښارونو کي؟

لاس اینجلس

د لاس اینجلس ښار د ترافیکو د ترافيکي بندښت په اساس د ټولې نړۍ په کچه په لومړي مقام کې ځای لري. په دي ښار کې په اوسط ډول موټر چلونکي په کال کې ۱۰۴ ساعتونه په راه بندۍ کې تیروي.

تر ټولو زيات ترافيکي بندښت په کومو ښارونو کي؟

مسکو

د روسیې په پلازمېنه مسکو کې د لارۍ د بندښت یو مهم فکتور د سیمې د پراخوالي په تناسب د لږو سړکونو موجودیت دی. په مسکو کې موټر چلونکي په اوسط ډول په ټول کال کې ۹۱ ساعتونه په راه بندۍ کې تیروي.

تر ټولو زيات ترافيکي بندښت په کومو ښارونو کي؟

نیویارک

د نیویارک خلک هم د ترافیکو د بیروبار له امله ډیر په زحمت کې وي. د دغه ښار اوسیدونکي په کال کې ۸۹ ساعتونه په خپلو موټرو کې له دې امله انتظار باسي، ځکه چې لارې ډیرې سختې بندې وي.

تر ټولو زيات ترافيکي بندښت په کومو ښارونو کي؟

سان فرانسسکو

که تاسې سحر د ترافیکو د ازدحام پر مهال د سان فرانسسکو د ګولډن ګیټ برج، په راه بندۍ کې بند پاتې شئ، بیا نو په دې پوه شئ چې دا ستاسې وخت او پیسې دواړه در ضایع کوي. په امریکا متحده ایالاتو کې د راه بندۍ له امله هر کال موټر چلونکي په اوسط ډول ۱۴۰۰دالره اضافي لګښتونه زغمي.

تر ټولو زيات ترافيکي بندښت په کومو ښارونو کي؟

ساؤ پاؤلو

د برازيل هیواد ساؤ پاؤلو، ښار د ترافیکي راه بندښت له امله په نړۍ کې شپږم ځای نیولی دی. په دې ښار کې موټر چلونکي هر کال نږدې ۷۰ ساعتونه په راه بندښت کې تیروي.

تر ټولو زيات ترافيکي بندښت په کومو ښارونو کي؟

لندن

که د ترافیکو د بیرو بار خبره وي، نو په اروپا کې بریتانیا په دې برخه کې دریم ځای لري. د څیړونو په حواله د دې تر ټولو لوی لامل په دغه هیواد کې د آن لائن شاپنګ یا د انټرنټ له لارې د خریدارۍ مخ پر زیاتیدونکی کاروبار دی چې له امله په سړکونو کې د نورو ترانسپورتي وسایلو سربیره د فرمائش شویو سامان آلاتو لیږدونکو موټرو برو بار هم زیات وي.

تر ټولو زيات ترافيکي بندښت په کومو ښارونو کي؟

چین او جاپان

که څه هم د (اِن رِکس) ادارې د چين او جاپان اعداد او شمیرې نه دي راټول کړي، خو د دغو دواړو هیوادونو د ترافیکو وضعیت هم مخ پر خرابیدو ښکاري.

تر ټولو زيات ترافيکي بندښت په کومو ښارونو کي؟

افریقا

نوموړی ادارې په افریقا کې په دې اړه ارقام نه دي راټول کړي، خو په سړکونو کې د موټرو د بیرو بار له امله موټر چلونکي له ډیرو ستونزو سره لاس او ګریوان دي. د بیلګې په توګه د نایجیریا تر ټولو لوی ښار لاګوس خلک له راه بدښت څخه ډیر اغیزمن کیږي.

تر ټولو زيات ترافيکي بندښت په کومو ښارونو کي؟

کابل

د افغانستان پلازمېنه کابل هم د راه بندښت له مخې تر چا کم نه دی. دغه ښار چې تر ګنجایش د ډیرو خلکو کوربه دی، موټر چلونکي یې په ساعتونو ساعتونو په لار بندیو کې بند پاتې وي. د وګړو او موټرو د ډیرښت سربیره د ترافیکي قوانینو نه مراعتول هم په دې ښار کې د راه بندښت له عمده عواملو څخه شمیرل کیږي.

موږ تعقيب کړئ