۳۹ افریقایې ښځې د جنسي غلامۍ له پاره اروپا ته راوړل شوي

د هسپانیې او مراکش پولیس وایې چې په انساني قاچاق کې د لاس درلودلو په تور یې لس تنه نیولي دي. په دوی کې یو شمیر قاچاقبرانو د جنسي غلامۍ په خاطر ښځې له افریقا څخه اروپا ته راوړي دي.

د فرانسې خبري آژانس (د فبروي میاشتې په ۱۴ نیټه) د هسپانوي او مراکشي پولیسو په حواله رپوټ ورکړی دی چې نیول شویو شکمن انساني قاچاقبرانو د جبل الطارق تنګي له لارې خلک اروپا ته لیږدول.

زیاته شوی چې په نیول شوو کې یو تن له ۲۰۰۸ کال راهیسې د مهاجرو نږدې ۴۰ کیشتۍ اروپا ته رسولي دي. په دې توګه نو هغه په لویدیځ مدیترانه کې یو له مشهورو قاچاقبرانو څخه دی.

هر کال په زرګونو مهاجر د خپل ژوند په خطر کې اچولو سره له همدغې لارې اروپا ته د ځان رسولو کوښښ کوي. دغه خلک د انساني قاچاقبرانو مرسته ترلاسه کوي کوم چې په غیر محفوظو کیشتیو کې دوی هسپانیې ته رسوي. په دې ترڅ کې په رامنځته کیدونکو پيښو کې په سلګونو کسان خپل ژوند هم له لاسه ورکوي.

د هسپانیې د کورنیو چارو وزارت له خوا د ورکړل شویو محتاطانه شمیرو له مخې په ۲۰۱۵ کال کې له دغې سمندري لارې څخه ۱۶۹۳۶ مهاجر هسپانیې ته رسیدلي دي. هسپانوي پولیسو تیر کال په اپریل میاشت کې د انساني قاچاق په تور ۷ تنه شکمن نایجیریایان نیولي ول.

 تر نږدې یوه کال تحقیقاتو وروسته معلومه شوه چې دغو قاچاقبرانو لږ تر لږه ۳۹ تنه ښځې یوازې د جنسي غلامۍ له پاره اروپا ته انتقال کړي ول. د هسپانوي پولیسو په حواله دغه ښځې په جبري توګه بدلمنۍ ته اړ ایستل کیدلې.

د دغو تحقیقاتو په جریان کې پولیسو یو شمیر نور شکمن کسان هم ونیول. خو دا نه دي ویل شوي چې په دې برخه کې نوي ګرفتارۍ یا نیونې کله ترسره شوي دي.

تر دویمې نړیوالې جګړې وروسته په اوس وخت کې اروپا د مهاجرو له ډیر سخت کړکیچ سره مخامخ ده. د دې بحران د حل په خاطر اروپایې سیاستوال د هغو هیوادونو له حکومتونو سره مرستې کوي، له کومو هیوادونو څخه چې مهاجر اروپا ته د ځان رسولو هڅه کوي.

پر ورته موضوع یو انځوريز البوم زموږ له آرشيف څخه (22.03.2016):

انساني قاچاق وړونکي، افريقايي انجوني او بدلمني

له غربت څخه نجات

د دویچه ویله دوو تنو خبریالانو د انساني قاچابرانو پسې د لټون لړۍ له نایجیریا د ایدو ایالت څخه پیل کړ. دوی چې له هر چا سره لیدل د هغه یو نه یو خپلوان به ضرور په اروپا کې وو. په ایټالیا کې د بدلمنه ښځو دری پر څلورمه برخه د دغې سیمې نجوني دي. بې روزگارې له دغې سیمې څخه د مهاجرت اصلي لامل گڼل کیږي.

انساني قاچاق وړونکي، افريقايي انجوني او بدلمني

د درواغو وعدې

نن بیبینا ایمناها، د څو کلونو راهیسې په ځانگړي توگه ځوانو نجونو ته خبردارې ورکوي چې اروپا ته له سفر کولو څخه ډډه وکړي. ایمناها وایې: «ډیرې نجونې د درواغو ژمنو په جال کې بند پاتې کیږي. دوی ته ویل کیږي چې په کورونو کې به د خدمې یا ورته کارونه کوې، خو کله چې اروپا ته ورسیږي بیا نو دوی درواغ معلوم شي. له همدې امله ډیرې نجوني د مجرمو ډلو لاسو ته ولیږي.»

انساني قاچاق وړونکي، افريقايي انجوني او بدلمني

انسان حریص دی

تر ډیرو هڅو وروسته یو قاچاقبر له دویچه ویله سره خبرو ته راضي شو. هغه وویل چې تر سلو ډیر خلک یې له نایجیریا څخه لیبیا ته رسولي دي. د هغه په خبره د «د ایدو خلک ډیر حریص دي او د ښې راتلونکي له پاره هر څه کولو ته تیار دي.»

انساني قاچاق وړونکي، افريقايي انجوني او بدلمني

د مهاجرت خطرونه

دغه قاچاقبر چې ځان اسټیو معرفي کوي وایې چې له نایجیریا څخه تر لیبیا پورې له هر کس څخه ۶۰۰ ایرو اخلي. ډیرې پوهیږي چې له دښتې او صحرا له لارې لیبیا ته رسیدل څومره خطرناک دی. په دې ترڅ کې ډیر شمیر خلک خپل ژوند له لاسه ورکوي.

انساني قاچاق وړونکي، افريقايي انجوني او بدلمني

د اگادیز دښته

د «اگادیز» دښته د دویچه ویله د خبریالانو راتلونکې منزل وو. د دوی په خبره دا ډیره خطرناکه سیمه ده. په دې دښته کې دغه خبریالان یوازې د وسله والو محافظینو سره سفر وکولې شو.

انساني قاچاق وړونکي، افريقايي انجوني او بدلمني

د دوشنبې ورځې قافلې

هره دوشنبه تر لمر ولیدو وروسته د څو لاریو یوه قافله د اگادیز دښتې څخه د شمال پر لور روانیږي. په لیبیا کې د نا کراریو له امله انساني قاچاقبران بې له کوم ممانعت څخه دغه هیواد ته داخلیږي او د مدیترانې ساحل ته ځان رسوي.

انساني قاچاق وړونکي، افريقايي انجوني او بدلمني

د مهاجرو شمیر مخ پر ډیریدو دی او نجونې باید کم عمره وي

د نایجیریا ډیرې نجونې د فحشا بانډونو په لاسو کې ولیږي. مدني فعاله لیزا بیرتینې وایې: «د شمیرو له مخې په ۲۰۱۴ کال کې تر ۱۰۰۰ ډیرې نایجیریایې نجوني او میرمنې د مدیترانې له لارې ایټالیا ته رسیدلي دي. په ۲۰۱۵ کال کې دا شمیر ۴۰۰۰ ته لوړ شو.» نوموړۍ زیاتوي چې کوښښ کیږي د نجونو عمر کم تر کم وښودل شي.

انساني قاچاق وړونکي، افريقايي انجوني او بدلمني

د مادام پسې لټون

د نایجیریا د یوه دوست په مرسته دغه دواړه ژورنالستان د ایټالیا په شمال کې یو «مادام» ته ورسیدل. نایجیریا کې دلالې ته مادام ویل کیږي. په ایتالیا کې یوې نایجیریایۍ نجلې وویل: «مادام پر موږ تشدد وکړ او بدلمنې ته یې مجبوره کړو.»

انساني قاچاق وړونکي، افريقايي انجوني او بدلمني

ځای کم او نجونې ډیرې

کله چې د دویچه ویله خبریالانو پر مادام د لگول شوو مختلفو تورونو په هکله پوښتنې وکړې، نو هغې ومنله چې په کور کې یې ۶ نجونې موجودې دي. خو دا رد کړه چې دغه نجونې یې بدلمنې ته اړ ایستلي دي.

انساني قاچاق وړونکي، افريقايي انجوني او بدلمني

غیر فعاله ادارې

د مونیکا اوشکوی په نوم یوې راحبې په دې برخه کې ایټالوي ادارې په نه پاملرنې تورنوي او انتقاد پرې کوي. نوموړۍ د تیرو ۸ کلونو راهیسې بدلمنۍ ته اړ ایستل شوو نجونو په برخه کې کار کوي. نوموړی زیاتوي چې سړي غواړي په ډیرو کمو پیسو خپل جنسي خواهش پوره کړي، چې دا کار په ایټالیا کې له نایجیریایې ښځو سره د ۱۰ ایرو په بدل کې کولې شي.

موږ تعقيب کړئ