انځورونه: په کابل کې د مدرنې موسقۍ فیستیوال پای ته ورسید

دغه فیستیوال په کابل کې د فرانسې په فرهنگي مرکز کې جوړ شوی وو چې د څلورو ورځو له پاره یې دوام وکړ. په دې فیستوال کې د افغانستان، استرالیا، فرانسې، امریکا، انگلستان، ازبکستان او پولند د پاپ او راک موسیقي ډلو گډون کړی وو.

په کابل کې د فرانسي په فرهنگي مرکز کې جوړ شوی کنسرت د افغان ځوانانو له باره یوه موقع وه چې په ژوندۍ بڼه د نورو هیوادونو موسیقي وویني او له یو بل سره وپیژني.

دغه فیستیوال په کابل کې د یو شمیر هیوادونو د سفارتونو او همداراز یو شمیر نورو موسسو له خوا په لاره اچول شوی وو چې د اپریل د میاشتې په ۳۰ نیټي پیل او د مې د میاشتې په څلورمې نیټې پای ته ورسید.

په دغه فیستیوال کې یو شمیر ځوانانو د سکیت نندارې هم وړاندې کولې.

په دغه فیستیوال کې ډیر شمیر ځوانانو گډون کړی وو او د بیلابیلو هیوادونو له موسیقي څخه یې خوند واخیست.

که څه هم افغانان له راک موسیقي سره ډیره اشنایي نه لري، خو بیا هم د فرانسې په فرهنگي مرکز کې جوړ شوي کنسرت د ډیرو شمیر افغانانو توجه جلب کړې وه.

په دغه فیستیوال کې یو شمیر ښحینه سندرغاړو هم گډون کړی وو.