د ملګرو ملتونو سرمنشي ته د ۶۰۰ افغان خبريالانو پرانیستی لیک

د افغان خبریالانو د ملاتړ سازمان د دوشنبې په ورځ اعلان وکړ چې د ملګرو ملتونو سرمنشي ته یې د ۶۰۰ افغان خبریالانو له خوا لاسلیک شوی لیک استولی دی.

دغه سازمان ویلي دي چې په دغه لیک کې د بیان د آزادۍ وضعیت او په افغانستان کې د خبریالانو ستونزې را برسیره شوي دي.

د افغان خبريالانو د خونديتوب سازمان چارواکي وايي، په دې ليک کې په افغانستان کې د خبريالانو پر ستونزو سربېره د افغانستان په ګاونډيو او د نړۍ په هېوادونو کې د خبريالانو ناڅرګند برخليک په تفصيل سره بيان شوى دى.

په دغه لیک کې خبریالانو له ملګرو ملتونو، د بشري حقونو له سازمانونو او نورو نړیوالو بنسټونو غوښتنه کړې چې په افغانستان کې د بیان آزادۍ او د خبریالانو وضعیت ته جدي پاملرنه وکړي.

د طالبانو محکمه د لسو رسنیو د فعالیت په اړه پرېکړه کوي

په افغانستان کې د ښځینه خبریالانو ستونزي

په دغه ليک کې د افغانستان اوسنيو حالاتو ته په کتو سره غوښتل شوې دي چې د هغو خبريالانو وضعیت ته دي جدي پاملرنه وشي کوم چې خپلې دندې او هېواد يې پرېښي او له جدي اقتصادي او امنيتي ننګونو سره مخ دي.

د طالبانو له واکمنۍ وروسته په افغانستان کې د بیان آزادۍ او د خبریالانو وضعیت ترینګلی شوې دی.

په افغانستان کي د رسنیو اندېښمن وضعیت او ناڅرګند برخلیک

د بشري حقونو سازمانونو د راپورونو پر بنسټ، طالبانو څو ځلې خبریالان په بېلابېلو پلمو نیولي او ځورولي ېې دي. حتی یوشمیر خبریالانو او د رسنیو کارکونکي څو میاشتې د طالبانو د استخباراتو په زندانونو کي بندیان شوې نو ځکه خو اوس په افغانستان کې د آزادو راپورونو جوړول تقریبا ناشوني شوې.

باید وویل شې سلګونو افغان خبریالان چې له وېرې له خپل هېواده وتلي او ګاونډیو هېوادونو ته یې پناه وړې ده، دا مهال له سخت اقتصادي وضعیت سره مخ دي.

 هیره دي نوې چې پر افغانستان د طالبانو د بیا واکمنیدو راهیسې د سلګونو رسنیو فعالیت بند او کارکوونکو یې خپلې دندې له لاسه ورکړې دي.