هنګري په نیمه شپه یوه افغانه کورنۍ اخراج کړې ده

«د هنګري د هیلسینکي کمیټي» بشري سازمان د چهارشنبې په ورځ ویلي دي چې د یوې دریمې کورنۍ اخراج تر هغه وروسته چې د اروپا د بشري حقونو محکمې یې د اخراج پر ضد پریکړه وکړه، ځنډول شوی دی.

د رپوټ له مخې د افغان کورنیو د اخراج لړۍ د سه شنبې په شپه پیل شوې چې په ترڅ کې یې یوه شپږ کسیزه کورنۍ د هنګري له پولې څخه صربستان ته واړول شوه. دواړه اخراج شوې کورنۍ د صربستان په شمالي ولایت «سبوتیکا» کې د پناه غوښتونکو د ساتلو یوه مرکز ته لیږدول شوي دي.

هنګري تیر کال په دې هیواد کې د پناه ترلاسه کولو په برخه کې قوانین سخت کړل. دې هیواد د اخراج شویو کورنیو د پناه غوښتنه رد کړې ده او هغوی ته یې ویلي دي چې د صربستان او افغانستان تر منځ یو هیواد انتخاب کړي چې ورته اخراج شي.

(ms/sr (ap

زموږ له ارشیف څخه: