1. Перейти к содержанию
  2. Перейти к главному меню
  3. К другим проектам DW

Беларускі гуманітарны ліцэй выехаў у Літву

https://p.dw.com/p/7i4z

Навучэнцы ды выкладчыкі былога Нацыянальнага дзяржаўнага гуманітарнага ліцэю імя Якуба Коласа, зачыненага ўладамі ў 2003 годзе, выехалі ў Вільню. Паводле кіраўніка ліцэю Улдадзіміра Коласа, заплянаваны шэраг сустрэчаў з прадстаўнікамі беларускай дыяспары Літвы, а таксама з калектывамі навучальных установаў, з якімі беларускія ліцэісты падтрымліваюць цесныя стасункі. У іх ліку – Літоўскі дом (школа-інтэрнат для дзяцей літоўскай дыяспары) і Віленскі ліцэй. У межах паездкі – сустрэчы з выкладчыкамі і студэнтамі Еўрапейскага гуманітарнага ўніверсітэту, які быў зачынены беларускімі ўладамі летам 2004 году, а з кастрычніка 2005 году адчынены ў Вільні.