За перформанс аштрафаваны актывіст “Маладога фронту”
15 июня 2006 г.Реклама
Актывіст “Маладога фронту” Аляксей Валабоеў, затрыманы ўчора каля прахадной вытворчага аб’яднання “Беларуськалій” у Салігорску, прыгавораны судом да штрафу ў памеры 30-ці базавых велічыняў, у пераліку каля 350 еўра. Суд абвінаваціў маладзёна ў хуліганстве. Нагадайма, што Валабоева затрымалі ўчора насупраць адміністратыўнага будынку “Беларуськалія”, дзе ён разам з непаўнагадовымі сябрамі браў удзел у акцыі, што прыцягвала ўвагу да бядотнага стану аднаго з найбуйнейшых прадпрыемстваў Беларусі. Сёння актывіст Яўген Мядзведзеў, які прыйшоў падтрымаць Аляксея Валабоева, быў жорстка збіты міліцыянтамі.