1. Перейти к содержанию
  2. Перейти к главному меню
  3. К другим проектам DW

Офіс ТАСІС у Мінску ачоліць прадстаўнік Латвіі

7 июня 2006 г.
https://p.dw.com/p/8aG6

1 ліпеня да выканання абавязкаў кіраўніка мінскага офісу праграмы Еўрапейскага Звязу падтрымкі краінаў СНД “ТАСІС” прыступіць прадстаўнік Латвіі Яніс Айзсалніекс. Змена кіраўніка офісу адбудзецца па прычыне таго, што ў цяперашняга яго галавы немца Ёахіма Лемана завяршаецца тэрмін кантракту. У прэсавай службе прадстаўніцтва Еўракамісіі адзначылі, што пакуль не завершаныя фармальныя працэдуры прызначэння паверанага Камісіі ў правах Беларусі. Нагадайма, што Еўразвяз накіраваў у студзені бягучага году ў беларускі МЗС дакументы на адкрыццё прадстаўніцтва Еўракамісіі ў Мінску, але дагэтуль не атрымаў адказу. Было прынятае рашэнне па прызначэнні паверанага ў справах Беларусі, які будзе працаваць у прадстаўніцтве Еўракамісіі ў Кіеве.