Швейцарыя далучылася да санкцыяў Еўразвязу супраць беларускіх чыноўнікаў
30 июня 2006 г.Реклама
Швейцарыя ўвяла фінансавыя санкцыі супраць 36 беларускіх чыноўнікаў. Адпаведную заяву пра далучэнне да санкцыяў Еўразвязу адносна арышту банкаўскіх рахункаў і нерухомасці беларускіх чыноўнікаў зрабіла кіраўніцтва Дэпартаменту па міжнародных дачыненнях і эканоміцы ўраду Швейцарскай канфедэрацыі. Рашэнне тычыцца таксама кіраўніка Беларусі Аляксандра Лукашэнкі і было прынятае на падставе таго, што беларускі ўрад “парушыў канстытуцыйныя прынцыпы ў часе прэзідэнцкіх выбараў”. Як вынікае з дакументу, асобы альбо фінансавыя інстытуты Швейцарыі, якія супрацоўнічалі з Беларуссю ці валодаюць інфармацыяй пра двухбаковыя эканамічныя аперацыі, павінныя неадкладна паведаміць пра гэта ў адпаведныя інстанцыі.