100 policë gjermanë për në Kosovë

“Ky është numri maksimal i policëve që ka ndërmend të dërgojë Gjermania në Kosovë për fazën e planifikimit të misionit të ri, që të do të fillojë nga puna pas zgjidhjes së statusit”, i tha një zëdhënëse e ministrisë së punëve të jashtme gjermane Deutsche Welle në shqip.

I ashtuquajturi Ekip Planifikues i Bashkimit Evropian për Kosovën (EUPT) e ka ngritur zyrën e vet në Prishtinë menjëherë mbas vendimit të marrë nga BE-ja në këtë mision, në prill 2006. Në bashkëpunim me adminsitratën ndërkombëtare civile të OKB-së (UNMIK) ekipi planifikues po shqyrton aktualisht nevojat e misionit të ri ligjor dhe policor në aspektin finaciar dhe personal. Vetëm për fazën e planifikimt pritet të marrin pjesë në Kosovë deri në 500 nëpunës nga vendet e BE-së. Misioni që do të zëvendësojë UNMiK-un pritet të angazhojë 1300 deri 1500 policë, gjykatës, prokurorë dhe zyrtarë doganash ndërkombëtarë në një zyrë qendrore në Prishtinë si edhe në mbarë sistemin policor dhe gjyqësor në Kosovë.

Dërgimi i policëve të miratuar sot nga kabineti gjerman financohet me mjete gjermane të Paktit të Stabilitetit, në shumat që nuk mund të mbulohen nga BE-ja, bëhet e ditur nga qeveria gjermane.