CIA humbet kompetencat për marrjen në pyetje të terroristëve
25 Gusht 2009
Presidenti amerikan Barak Obama e merr këtë masë si pasojë e raporteve për keqtrajtimet e të burgosurve nga CIA dhe punonjësit e firmave private të sigurisë në kohën e qeverisjes të paraardhësit të tij, Xhorxh Bush.
Bill Burton zëdhënës i Shtëpisë së Bardhë u shpreh: "Presidenti është i një mendimi me hetuesit se askush, që ka zbatuar vetëm urdhërat, nuk dënohet, por se kundër kujt do të zhvillohen hetime, varet nga prokuroria e përgjithshme."
Ministri i Drejtësisë, Eric Holder, caktoi një hetues të posaçëm për të shqyrtuar këto akuza. Metodat e marrjes në pyetje të kritikuara ndërkombëtarisht, tha Holder në Uashington, do të shqyrtohen juridikisht. Ndër metodat brutale me anë të të cilave të burgosurit detyrohen të flasin, është mbytja e stimuluar dhe mbajtja zgjuar pa gjumë, si dhe kërcënimi se fëmijët apo nënat do të vriten, apo do të përdhunohen.
Abdo Alexander i Unionit Civil Liberal Amerikan: "Çështja është, nëse duhet t'i heqim sytë nga këto gjëra, apo do t'i vëmë para përgjegjësisë vendimmarrësit, kur bëhet fjalë për ligje, të cilat duhet t' zbatojë secili. Presidenti vetë tha se askush nuk qëndron mbi ligjin. Dhe ne mendojmë se ky është një aplikim shumë i thjeshtë i këtij parimi të rëndësishëm amerikan."
Autor : Angelina Verbica
Redaktoi : Aida Cama