Kancelarja gjermane Merkel e ka hedhur poshtë kritikën për vizitën e Dalai Lamës në zyrën e saj

Kancelarja gjermane, Angela Merkel e ka hedhur poshtë kritikën e vazhdueshme për vizitën e Dalai Lamës në zyrën e saj kancelarore. Merkeli i tha gazetës "Bild" se si kancelare e Gjermanisë ajo vendos vetë se kë do të presë dhe ku. Nga zemërimi për takimin, qeveria kineze ka anulluar disa takime bilaterale. Në intervistën dhënë gazetës bulevardeske, kancelarja tregohet më tej optimiste që koalicioni me socialdemokratët do të mbajë deri në vitin 2009. Pavarësisht nga konfliktet më të fundit, zgjedhjet e parakohshme nuk shtrohen për diskutim, tha Merkeli.