Kosovës i duhet qeveria

Shefi i UNMIK-ut Joakim Rycker, ka thënë se Kosovën e presin shumë sfida. Ai ka kërkuar nga udhëheqësit politik kosovarë që të formojnë sa më shpejtë qeverinë. Kjo, sepse kur do të raportojë në më 16 janar në KS-it për zhvillimet në Kosovë, Rycker dëshiron të thotë qartë se Kosova ka institucione funksionale. "Mendoj se na duhen institucione funksionale demokratike gjatë tërë kohës, na duhet qeveria e re, po aq sa na duhej edhe konstituimi i parlamentit që tashmë është bërë. Akoma jemi në limite të tolerueshme kohore dhe nëse e kemi qeverinë deri të mërkurën, unë nuk shoh ndonjë problem të madh këtu," thotë Joakim Rycker.

Mirëpo, akoma nuk ka një marrëveshje të zyrtarizuar ndërmjet PDK-së dhe LDK-së, për formimin e koalicionit qeveritar edhe pse zyrtarët e PDK-së, konfirmojnë se tashmë marrëveshja është arritur. Marrëveshja e koalicionit pritet të zyrtarizohet gjatë ditës së nesërme nga dy liderët e dy forcave kryesore politike, Hashim Thaqit dhe Fatmir Sejdiut. Ditën e mërkurë në seancën e Kuvendit do të votohet në paket për kryetarin dhe kryesinë e kuvendit dhe për qeverinë. Shefi i UNMIK-ut Joakim Rycker, në raportin e tij për Kosovën para KS-it, do të flasë për procesin e standardeve për Kosovën, funksionimin e institucioneve demokratike dhe për sundimin e rendit dhe ligjit.