1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

Zyra e Kriminalistikës i jep fund alarmit

Eliana Xhani (dpa)19 Prill 2013

Zyra e Kriminalistikës i dha fund alarmit rreth një letre të dyshimtë drejtuar Presidentit Joachim Gauck. Sipas autoritetit, nga analiza e mbetjeve të letrës ka rezultuar se ajo nuk përmbante lëndë shpërthyese.

https://p.dw.com/p/18Jh0
Fotografi: Fotolia/RCphoto

Letra e dyshimtë e cila u shpërthye në mënyrë të kontrolluar nga një njësi speciale e policisë, nuk ka pasur eksploziv, bëri të ditur Zyra gjermane e Kriminalistikës. Njoftimet në mediet gjermane se pluhuri që përmbante letra ishte lënda shumë shpërthyese HMDT, nuk u konfirmuan.

Letra i adresohej direkt Presidentit gjerman Joachim Gauck. Letra e dyshuar ishte gjetur fillimisht gjatë kontrolleve të postës dhe nuk ishte hapur.

Të dhëna për dërguesin e mundshëm të letrës ende nuk ka. Mbi rastin po heton Zyra e Kriminalistikës.

Në zyrën e Kancelares në nëntor 2010 ishte zbuluar dhe më pas asgjesuar një paketë me lëndë shpërthyese, e nisur nga Greqia. Paketa bombë i ishte drejtuar atëherë personalisht Kancelares Angela Merkel.