1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Live TV
Videot e fundit
Në fokus
EuropaGjermaniaBallkani Perëndimor
Politikë

Ndarja e pushteteve në Poloni nën goditje

7 Mars 2018

Parlamenti i Polonisë emëroi për herë të parë në kuadër të reformës në drejtësi anëtarë të Këshillit më të Lartë të Drejtësisë.

https://p.dw.com/p/2to3v
Polen Proteste gegen die Justizreform der Regierung
Fotografi: picture-alliance/dpa/J. A. Nicolas

Me votat e partisë në pushtet PiS dhe të partisë populiste Kukiz '15 Dhoma e Poshtme e Parlamentit Polak aprovoi një listë të qeverisë me 15 kandidatë. E gjithë opozita Mes-I-Majtë e bojkotoi votimin. Ajo e akuzon qeverinë për sulm kundër pavarësisë së drejtësisë

Reforma do të thotë "fund i ndarjes së pushteteve në Poloni", tha ish-ministri i Drejtësisë, Borys Budka nga Platforma Qytetare liberale.

Bazë për këtë vendim është një ligj i miratuar vitin e kaluar. Ai përcakton që gjykatësit e Këshillit të Drejtësisë nuk duhet të zgjidhen më prej gjykatësve të tjerë, por prej Parlamentit. Në Këshillin e Drejtësisë të vendit ndodhen 24 anëtarë, këtu bën pjesë edhe ministri i Drejtësisë.

Edhe përfaqësues të BE e shohin në këtë mënyrë të shkelur pavarësinë e drejtësisë. Prandaj për herë të parë në historinë e tij, BE ka nisur një procedurë për shkelje të marrëveshjeve në bazë të nenit 7 të Marrëveshjeve të BE.