1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

Nga garat e fundit në displina të ndryshme

Elert Ajazaj17 Shkurt 2009

Java e 20-të e ligës së dytë gjermane të futbollit.

https://p.dw.com/p/Gw1L
Fotografi: picture-alliance / dpa

Futboll:


Java e 20-të e kampionatit të kategorisë së dytë gjermane në futboll u plotësua mbrëmë me ndeshjen Hanza e Rostokut / Frajburg. Takimi përfundoi me rezultatin 1:3. Në këtë mënyrë Frajburgu ngjitet në vendin e parë dhe ka 39 pikë, ndërsa Rostoku mbetet në vendin e 16-të me 18 pikë.


Not:


Kampioni i tetëfishtë olimpik në not Michael Phelps është pezulluar prej federatës amerikane të notit pasi është publikuar një fotografi e tij duke pirë kanabis. Megjithatë sherifi përgjegjës në Karolinën e Jugut tha se kundër notarit nuk do të ngrihet padi.


Dygarësh me ski:


Në kampionatin botëror të dygarëshit në ski në Korenë e Jugut gjermani Christoph Stephan nga Oberhofi fitoi në garën individuale medaljen e argjendtë. Medaljen e artë e fitoi norvegjezi Ole Einar Björndalen.