Partnerët e rinj të koalicionit qeverisës të Maqedonisë

Kryesia qendrore e Komitetit ekzekutiv të VMRO-DPMNE-së pas diskutimit disaorësh ka miratuar qëndrimin e mandatarit që për partner bashkëqeverisës nga blloku politik shqiptar të ketë BDI-në. Vendimi i mandatarit dhe Komitetit Ekzekutiv është miratuar edhe nga Kuvendi i përgjithshëm i VMRO-DPMNE-së si organ vendimmarrës partiak.

Paralelisht me mbajtjen e takimeve brenda partiake të VMRO-DPMNE-s edhe në Tetovë janë zhvilluar takime të njëpasnjëshme të Kryesisë Qendrore të bashkimit Demokratik për Integrim. Në to për rrjedhën e bisedimeve me mandatarin ka informuar kryetari i BDI-së Ali Ahmeti I icli ka qenë edhe bashkëbisedues kryesor me Gruevskin.

Në burime mirë të konfirmuara të VMRO-DPMNE-s dhe të BDI-së thonë se mandatari Gruevski dhe kryetari Ahmeti kanë rënë dakord që partisë shqiptare në koalicionin e ardhshëm qeveritar t'I takojnë pesë vende ministrore dhe një I zëvendëskryeministrit. Gjithnjë sipas këtyre burimeve BDI do të udhëhiqte me ministrinë e ekonomisë, shëndetësisë, pushtetit lokal, ministrinë për punë dhe çështje sociale dhe ministrinë e ambientit jetësor. Po ashtu BDI do të caktoj edhe një zëvendëskryeministër i cili do të jetë përgjegjës për implementimin e marrëveshjes së Ohrit.