Pas atentatit në Brindizi hetuesit kanë një gjurmë

Pak pas atentatit të Brindizit, prej të cilit gjeti vdekjen një 16-vjecare dhe u plagosën pesë të tjera policia ka nisur hetimet dhe janë duke ndjekur një gjurmë. Pas verifikimit të xhirimeve të një videokamere të vendosur pranë shkollës, hetuesit kanë skicuar një fotografi fantomë, tha të dielën në një konferencë për shtypin prokuror Marco Dinapoli. Personi e kishte vendosur bombën në një kazanët e plehrave në hyrje të shkollës, shkollës profesionale Morvillo Falcone në qytetin italiano-jugor të Brindizit.

"Nuk është e pamundur që e tërë vepra ka qenë e organizuar nga një person i vetëm."- tha Dinapoli. Por e mundshme është gjithashtu që ka pasur edhe bashkëpunim. Ne nuk e përjashtojmë as motivin politik, tha prokurori Dinapoli duke shtuar se autorët e krimit kanë vepruar nga dëshira për të vrarë.

Kryetari i Bashkisë së Brindizit, Mimo Konzales, kishte fajësuar të shtunën mafian lokale për këtë akt pa precedent, nisur prej faktit se shkolla mban emrin e hetuesit të mafias Giovanni Falcone dhe të së shoqes Francesca Laura Morvillo të cilët janë vrarë prej mafias më 23. maj 1992 në afërsi të Palermos. Prokurori i hetimeve Marco Dinapoli tha se pas vlersimit të regjistrimeve të videokameras dyshimet se pas atentatit mund të jetë mafia po bëhet gjithnjë e më e pamundur.

Mjekët që ishin në vendin e ngjarjes dhe po mjekojnë pesë nxënëst e plagosura prej atentatit, disa prej të cilave pësuan djegie të rënda, sqaruan të djelën se gjendja e një prej 16-vjeçareve, që për një kohë qe në rrezik jete, tani është e qëndrueshme.

Papa Benedikti XVI u lut sot gjatë faljes për Shën Engjëllin në Romë për të plagosurat dhe familjet e nxënëses së vrarë, të cilët po përjetojnë një dhimbje të madhe.Vajza 16-vjeçare ishte një "viktimë e pafajshme e dhunës brutale," tha Papa. Në shumë qytete të Italisë gjatë fundjavës njerëzit dolën në rrugë në shenjë proteste kundër dhunës dhe në kujtim të nxënëses së vrarë.