1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

Petrit Halilaj - artisti shqiptar impresionoi Venecian

16 Maj 2017

Një artist nga Kosova në Venecia. Petrit Halilaj nderohet nga juria e Bienales.

https://p.dw.com/p/2d2Ew
Ausstellung Petrit Halilaj
Fotografi: DW/Heike Mund

Artisti i arteve pamore Petrit Halilaj, i lindur në Kosovë në vitin 1986 u nderua në Bienalen e Venecias (14.Maj) nga një juri ndërkombëtare me "përmendje të veçantë" për kontributin e tij si artist. Halilaj, ka lindur në Kostërc, dhe në moshën 13 vjeçare në kohën e luftës në Kosovë i është dashur të jetojë në kampin e Kukësit. Këtu filloi edhe rruga e jetës si artist. Halilaj rrëfen për Deutsche Wellen hapat e parë ishin vizatimet në disa fletë të bardha që ia kishte ofruar psikologu italian në kamp, Giacomo Poli. Kështu këto skica shenjuan kështu njëkohësisht edhe rrugën e së ardhmes për artistin.

Sot kujtimet e vendlindjes janë ushqim për artin e Petrit Halilajt. I kam ende të gjalla kujtimet nga fshati Kostërc, jeta atje, natyra, oborret, pulat". Por ai di të ndjekë edhe ritmin e jetës së madhe në lëvizje, "ku ti si njeri je i hapur për kultura të reja, për ide të reja."

Artisti jeton në Bozzolo, Prishtinë dhe Berlin. Por kujtimet nga vendlindja dhe atmoferë kozmopolite nuk përbëjnë kundërshti, madje janë frymëzuese, thotë ai. Lidhja me vendlindjen është e fortë. Halilaj thotë se shkon shpesh në vendlindje. "

Në vitin 2015, Galeria Federale e Artit në Bonn hapi dyert për një ekspozitë të plotë me artistin e ri, nga data 6 mars deri më 15 tetor 2015 me një titull poetik e të pazakontë si vetë rruga e artistit: "She, fully turning around, became terrestrial" - "Ajo, me një rrotullim të plotë, u bë tokësore." Instalacionet e Petrit Halilajt janë një korpus ku vendlindja, identiteti e trashëgimia historike kalojnë në sitën e imët të artit.

 

DW-Aktion „Wir sind Deutschland“ Lindita Arapi
Lindita Arapi gazetare, moderatore, autore, shkrimtare