1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

Protestues hyjnë në Parlamentin e Maqedonisë

27 Prill 2017

Në Parlamentin e Maqedonisë protestues hynë me forcë për ta kundërshtuar zgjedhjen e Presidentit shqiptar të Parlamentit.

https://p.dw.com/p/2c2Iu
Mazedonien Parlament in Skopje
Fotografi: picture-alliance/AA/B. Ademi

Protestues hynë sonte me forcë dhe pushtuan Parlamentin e Maqedonisë për të protestuar kundër votimit   për mendimin e tyre jokorrekt për zgjedhjen e kryetarit shqiptar të Parlamentit. Një reporter i agjencisë së lajmeve AFP tha se e pa drejtuesin e opozitës Zoran Zaev me gjak në fytyrë, në kaosin që pasoi hyrjen në sallë të mbështetësve të ish-kryeministrit Nikola Gruevski. Sipas informacioneve të tjera, Zaevi ishte plagosur lehtë. Në njoftime kundërthënëse reporterë të tjerë të agjencisë Reuters thanë se fillimisht nuk kishin parë dhunë.

Pasi siguroi mbështetjen edhe të një partie tjetër shqiptare në Parlament, udhëheqësi i opozitës Zoran Zaev tha se mund ta zgjedhë Presidentin e Parlamentit. Talat Xhaferri u zgjodh Presidenti i parë shqiptar i Parlamentit të Maqedonisë që kur Maqedonia fitoi pavarësinë nga Jugosllavia në vitin 1991. Në vitin 2001 Maqedonia u përfshi nga lufta civile pas kryengritjes së shqiptarëve.

Mbështetësit e Gruevskit e shohin koalicionin e socialdemokratëve të Zaevit me partitë shqiptare si kërcënim për unitetin e kombit. Presidenti i Maqedonisë nuk pranon t'ia japë Zaevit mandatin për formimin e qeverisë pas zgjedhjeve.

 

Ky artikull u përgati nga Auron Dodi