Pushteti i hormoneve

Të duket sikur fluturon, ke dridhje në trup, tensioni rritet? Diagnoza: Jeni i dashuruar! Ky përjetim lidhet me derdhjen papushim të hormonit endorfinë, përgjegjëse për lumturinë. Por edhe në raste aksidentesh të rënda trupi e prodhon këtë hormon. Prandaj ndodh që pas një aksidenti njerëzit me gjithë lëndimet e mëdha nuk e ndiejnë dhimbjen.

Është hormoni i seksualitetit, testosteroni ai që i bën burrat të kenë mjekër, ndërsa ëstrogjeni rregullon ciklin e menstruacioneve tek femrat. Të dy janë përgjegjës që tek burrat zhvillohen tiparet tipike që dallojnë gjinitë: Penisin tek meshkujt, dhe vezoret tek femrat. Por këto hormone kanë edhe detyra të tjera: Ato ndikojnë në dëshirën seksuale dhe pjellorinë.

Është hormoni Somatotropin, ai që i ndihmon fëmijët të rriten e të piqen. Trupi prodhon më shumë proteinë, më shumë yndyrna dhe përshpejton edhe rritjen e kockave. Nëse fëmijët kanë shumë më tepër se duhet nga ky hormon atëherë vuajnë nga gjigantizmi, zgjatja mbi normalen.

Për qarkullimin e sheqerit në gjak është përgjegjëse insulina. Ajo ndihmon qelizat e muskujve të aktivizohen dhe ta marrin atë nga gjaku me qëllim të uljes së nivelit të sheqerit në gjak. Diabetikët nuk prodhojnë shumë insulinë, sheqeri akumulohet në gjak, dhe kjo mund të ketë pasoja të rrezikshme, prandaj insulina injektohet rregullisht në trup.

Hormoni melatonin rregullon ritmin biologjik të natës e ditës në trup. Ky hormon prodhohet me rënien e errësirës. Ai na bën të ndihemi të lodhur, trupi përgatitet për gjumë. Autoriteti Europian për Sigurinë Ushqimore vendosi në vitin 2010 që melatonina mund të merret si ushqim plotësues për të rregulluar prishjen e këtij ekuilibri. Por jo të gjithë studiuesit janë të një mendimi.

Kortizoliti është një hormon i rëndësishëm i stresit dhe prodhohet natën për t'i shërbyer trupit ditës. Ai ndikon në metabolizmin tonë, në gjendjen psikike dhe është i lidhur ngushtë me sistemin e imunitetit. Efekti i tij është edhe antiinflamativ, prandaj përdoret edhe si një ilaç me efekt, Shumë e lidhin këtë hormon me efektet anësore, si fytyra e fryrë. Jo kundërshtojnë mjekët.

Kërcimi nga lartësitë - Bungee-Jumping të garanton një mbidozë adrenaline. Ky hormon prodhohet në situata frike e paniku. Me rëndësi për paraardhësit tanë për t'i ikur rrezikut. Tensioni rritet, frekuenca e zemrës po ashtu. Trupi vendoset në gjendje alarmi.

Bëj sport ose ha çokollatë! Ja dy mundësi për të rritur nivelin e hormonit serotonin në trup. Krahas dopaminës, edhe serotonina konsiderohet hormon i lumturisë. Luan rol të rëndësishëm në gjendjen tonë të humorit. Kur ky hormon mungon, atëherë rrezikohemi nga depresioni. Për këtë ndihmojnë lëvizjet dhe sigurisht edhe çokollata.