1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

SHBA përkujtoi 11 shtatorin e vitit 2001

12 Shtator 2011

Në vend të ndonjë fjalimi politik Obama lexoi në ceremoninë në Nju-Jork një tekst fetar. Të afërmit e viktimave lexuan emrat e tyre të shoqëruar nga muzikë e përmortshme dhe fjalime të shkurtra.

https://p.dw.com/p/12X6P
Gedenken an die Opfer von 9/11 auf dem amerikanischen Militärstützpunkt Manas in Kirgisien am 11. September 2011. Daran hat auch die Präsidentin Rosa Otunbajewa teilgenommen. Autor: Witalij Katargin, DW-Korrespondent in Kirgisien.
Fotografi: DW

Dhjetë vjet pas sulmeve terroriste në SHBA u përkujtua me shumë aktivitete 11 shtatori i vitit 2001. Ceremonitë përkujtimore u shoqëruan me masa të forta sigurie, për shkak të frikës për sulme të mundshme terroriste në 10-vjetorin e tragjedisë së 11 shtatorit.

Në qendër të ceremonive përkujtimore ishte ajo në Ground Zero në Nju-Jork, ku prej sulmit të terroristëve islamikë para dhjetë vjetësh ndaj dy kullave binjake  të Qendrës Botërore të Tregtisë gjetën vdekjen rreth 3000 vetë. Të afërmit e viktimave lexuan emrat e tyre të shoqëruar nga muzikë e përmortshme dhe fjalime të shkurtra.

The World Trade Center the ceremony takes place at the National September 11 Memorial marking the 10th anniversary of the attacks, Sunday, Sept. 11, 2011 in New York.(Foto:Mark Lennihan/AP/dapd)
Fotografi: picture-alliance/dpa

Në ceremoninë në Nju-Jork morën pjesë edhe presidenti i SHBA-së Barack Obama i shoqëruar nga bashkëshortja Michelle si dhe paraardhësi i tij George W. Bush dhe e shoqja Laura.

Përpara se të vinte për përkujtimin e viktimave të sulmeve terroriste në Nju-Jork Obama kishte vendosur një kurorë në përmendoren në Pensilvani dhe mori pjesë në një ceremoni që u zhvillua në Pentagon, afër Uashingtonit.

Në vend të një fjalimi politik Obama lexoi në ceremoninë në Nju-Jork një tekst fetar, nga psalmi 46, "Zoti është shpresa dhe forca jonë".

NO FLASH!!! President Barack Obama touches the names etched into the memorial wall during his visit to the North Memorial Pond at the National Sept. 11th Memorial Sunday, Sept., 11, 2011 in New York. (Foto:Pablo Martinez Monsivais/AP/dapd)
Barack ObamaFotografi: dapd

Më pas foli kryetari i bashkisë së Nju-Jorkut Michael Bloomberg fjala e të cilit në orën 8:46 sipas orës lokale, momenti kur para 10 vjetësh avioni i parë u përplas me kullën veriore të World Trade Center, u ndërpre për të mbajtur një minutë heshtjeje.

Më pas minuta heshtjeje u mbajtën në ato orë, kur ishin shembur dy kullat binjake që u shkatërruan pas përplasjes së dy avionëve të pasagjerëve si dhe momentet kur dy avionët e tjerë kishin sulmuar njëri Pentagonin dhe tjetri ishte rrëzuar në afërsi të Shanksvilles në shtetin e Pensilvanisë.

NO FLASH!!! The World Trade Center Flag is presented as friends and relatives of the victims of 9/11 gather for a ceremony marking the 10th anniversary of the attacks at the National September 11 Memorial at the World Trade Center site, Sunday, Sept. 11, 2011, in New York. (Foto:Jason DeCrow/AP/dapd)
Fotografi: dapd

Ceremonitë përkujtimore u shoqëruan me masa të forta sigurie, për shkak të frikës për sulme të mundshme terroriste në 10-vjetorin e tragjedisë së 11 shtatorit. Masat shtesë të sigurisë përfshinin kontrollin e makinave në Nju-Jork apo kontrollin e çantave në metro. Masa sigurie dhe një numër të shtuar policësh në shërbim do të ketë edhe gjatë ditëve të ardhëshme.

Autor: dpa/pp

Redaktoi: Bahri Cani