1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

Sulm terrorist në një metro në Londër

15 Shtator 2017

Prej një shpërthimi lënde eksplozive në një metrosë në Londër janë plagosur të paktën 18 vetë. Policia dhe zjarrfikësit janë në gjendje alarmi. Autoritetet e kanë klasifikuar këtë akt si "veprër terroriste".

https://p.dw.com/p/2k2q8
London Explosion in Bahn der Underground
Fotografi: picture-alliance/AP Photo/F. Augstein

Shpërthimi ndodhi në ora 8:20 (ora lokale, 09:20) në stacionin Parsons Green në jug-perëndim të kryeqytetit britanik. Brigadat e zjarrfikësve dhe ato të shpëtimit nxituan në vendngjarje.

Trafiku i metrosë në këtë stacion u ndal. Policia njofton se vepra konsiderohet si "akt terrorist". Sipas njoftimeve të deritanishme janë plagosur të paktën 18 vetë.

London Underground
Fotografi: Reuters/T. Melville

Sipas njoftimeve nga kryeqyteti britanik, lënda shpërthyese ishte e ndërtuar në mënyrë artizanale dhe qe e pajisur edhe me sahat. "Gjendesha në vagonin e parafundit", tha një dëshmitar okular. "Dëgjova diçka si një zile, pashë përreth dhe pashë që të gjithë vagoni i fundit qe përfshirë nga flakët." Një tjetër dëshmitar okular tha se ajo qe plagosur për shkak se turma qe përfshrië nga paniku.

London Explosion in Underground
Fotografi: Getty Images/AFP/D. Leal-Olivas

Në mediat sociale qarkulloi fotografia e një kovë të bardhë, në të cilën mund të qe fshehur lënda shpërthyese. Policia nuk e ka konfirmuar ende nëse kjo është e vërtetë.

Großbritannien Explosion Metro Parsons Green
Fotografi: Reuters/H. Mckay

Policia ka dërguar në vendin e ngjarjes njësi speciale për të asgjësimin e bombave. Në Britaninë e Madhe mbretëron gjendje e lartë alarmi për shkak të veprave terroriste.