Vendet më të fuqishme të BE-së kundër bisedimeve të tjera per Kosovën

Britania, Franca, Gjermania dhe Italia u kanë shkruar një letër shteteve të tjera të BE-së, në të cilën thuhet se bisedimet për statusin e Kosovës kanë përfunduar dhe se është koha për ta zgjidhur statusin e Kosovës, edhe pa mbështetjen e Kombeve të Bashkuara, nëse është e domosdoshme. Burime evropiane kanë thënë se letra e ministrave të jashtëm të katër vendeve evropiane, anëtare të Grupit të Kontaktit për Kosovën, që kanë diskutuar për status, jep mesazh se vazhdimi i bisedimeve nuk do të sjellë rezultate, kanë thënë këto burime.