Vendosja e marrëdhënieve diplomatike mes Kosovës dhe Malit të Zi & Pozita e malazezëve në Kosovë

1. Pasi që qeveria malazeze vendosi marrëdhënie diplomatike me Kosovën, në Beograd vlerësohet që raportet mes Malit të Zi dhe Serbisë do të përkeqësohen edhe më shumë. Ndërsa në Podgoricë vlerësohet se nuk do të ketë përkeqësim të marrëdhënieve mes dy vendeve. Siç informon korrespodentja e redaksisë serbe nga Podgorica, Vesna Rajkoviq si në Beograd ashtu dhe Podgoricë analistët janë të mendimit se Serbia nuk do të ndërmarrë asnjë hap drastik diplomatik siç do të ishte dëbimi i ambasadorit malazez nga Beogradi.

2. Malazezët e Kosovës kërkojnë që të njihen si pakicë dhe të avancohet pozita e tyre, por janë kundër që kjo çështje të kushtëzohet me shkëmbimin e ambasadorëve dhe thellimin e marrëdhënieve diplomatike midis shtetit të Malit të Zi dhe atij të Kosovës. Nga Prishtina njofton korrespondenti ynë, Bekim Shehu.