1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Mzozo wa Kongo MasharikiMzozo wa Israel na HamasKivuli cha Ukoloni wa Ujerumani

Haiti: Zoezi la kuwaokoa walionusurika lakamilishwa

Kabogo Grace Patricla23 Januari 2010

Imekuwa siku 10 za harakati nyingi za kuwaokoa watu waliokwama katika vifusi huko Haiti.

https://p.dw.com/p/LfBj
Zoezi la kuwaokoa watu haiti limemalizika.Picha: AP


Serikali ya Haiti imekamilisha zoezi la kuwatafuta na kuwaokoa watu waliokwama katika vifusi kutokana na tetemeko la ardhi lililotokea nchini humo wiki iliyopita.

Taarifa iliyotolewa leo na Shirika la Umoja wa Mataifa la Uratibu wa Misaada ya Kibinaadamu, imeeleza kuwa hadi sasa watu 132 wameokolewa wakiwa hai kutoka kwenye vifusi.

Spendengala für Haiti Wyclef Jean
Wyclef Jean mwanamuziki mzaliwa wa Haiti katika tafrija, "Hope for Haiti Now''Picha: AP

Jana Ijumaa watu wawili waliokolewa wakiwa hai katika mji mkuu wa nchi hiyo, Port-au-Prince, siku 10 baada ya tetemeko hilo kutokea. Watu hao, mwanamke mwenye umri wa miaka 84 na kijana mwenye umri wa miaka 22 walikuwa wadhaifu sana, lakini sasa wanaendelea vizuri.

Wakati huo huo, Umoja wa Mataifa na Jeshi la Marekani ambao ni watoaji wakubwa wa misaada nchini Haiti zimetiliana saini mpango wa kuendelea kutolewa misaada ya dharura. Umoja wa Mataifa unakadiria kuwa kiasi watu 100,000 wameuawa katika tetemeko hilo la ardhi na 200,000 wamejeruhiwa na wengine milioni moja wamepoteza makaazi yao.