Pacquiao: naheshimu uamuzi wa NIKE

Mfilipino huyo amesema kuwa anaheshimu uamuzi wa kampuni ya kutengeneza vifaa vya michezo – NIKE wa kusitisha mkataba wake na yeye kufuatia kauli yake yenye utata aliyosema kuwa “mashoga ni wabaya zaidi kuliko wanyama”. Nike ilisema katika taarifa kuwa matamshi wa Pacquaio yalikuwa ya “kuchukiza”.

Pacquiao ameongeza kuwa anatafuta kampuni nyingine zitakazofadhili jezi zake za masumbwi. Nyota huyo wa ndondi nchini Ufilipino na mgombea wa kiti cha Useneta ameomba radhi akisema haungi mkono ndoa za watu wa jinsia moja, lakini haipingi jamii ya mashoga na wasagaji. "hakika sisumbuliwi na utata huo. nna furaha kwa sababu nnasema ukweli. ni vibaya sana ikiwa tutauficha ukweli, nna furaha kwa sababu watu wengi walifahamishwa kilicho cha kweli".

Ndoa za watu wa jinsia moja hazikuruhusiwi Ufilipino ambako zaidi ya asilimia 80 ya idadi ya watu milioni moja nchini humo ni Wakatoliki.

Mwandishi: Bruce Amani/AFP/DPA/AP
Mhariri: Gakuba Daniel