1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Mzozo wa Kongo MasharikiMzozo wa Israel na HamasKivuli cha Ukoloni wa Ujerumani
Michezo

Ujerumani kufuzu Kombe la Dunia mapema?

Jacob Safari
11 Oktoba 2021

Ujerumani wanaweza kulishinda kundi J iwapo watawalaza Macedonia Kaskazini usiku wa Jumatatu, iwapo lakini Armenia watapoteza au kutoka sare watakapocheza na Romania katika mechi za kuwania kufuzu kwenye Kombe la Dunia.

https://p.dw.com/p/41XXt
WM-Qualifikationsspiel | Liechtenstein - Deutschland
Picha: Marc Schueler/imago images

 Mabingwa hao mara nne wa dunia wamezinduka baada ya kushindwa na hao wapinzani wao wa leo mnamo mwezi Machi mjini Duisburg. Chini ya kocha mpya Hansi Flick, Ujerumani wameshinda mechi zao zote nne za kuwania kufuzu Kombe la Dunia.

"Tunataka kushinda mechi ya kesho. Tunataka kufuzu kwenye Kombe la Dunia haraka iwezekanavyo na mechi ya kesho ni sehemu ya mpango huo," alisema Flick.

Kocha wa zamani wa Ujerumani Joachim Löw aliondoka baada ya mwisho mgumu wa kipindi chake cha ukufunzi kwa kuwa kipigo alichopewa na Macedonia kilifuatia kushindwa 6-0 na Uhispania kabla timu hiyo haijabanduliwa kutoka kwenye mashindano ya Ulaya katika hatua ya timu kumi na sita bora.

Fußball | Training Nationalmannschaft vor WM-Qualifikationsspiel | Hansi Flick
Kocha wa timu ya taifa ya Ujerumani Hansi FlickPicha: Marcus Brandt/dpa/picture alliance

Ubelgiji pia inaweza kufuzu Jumatatu

Lakini Flick ambaye ni kocha wa zamani wa Bayern Munich, amewanoa vijana kama Florian Wirtz na Jamal Musiala na mawinga wake Leroy Sane pamoja na Serge Gnabry wameanza kuingilia vyema kimchezo.

Gnabry ni mchezaji wa Bayern Munich na timu ya taifa ya Ujerumani.

"Tunataka kushambulia na nguvu mpya. Bila shaka Kombe la Dunia ni lengo kubwa. Bila kufunga mabao ni vigumu kupata ufanisi," alisema Gnabry.

Timu inayoorodheshwa katika nafasi ya kwanza kwenye ramani ya Fifa ya timu bora duniani, Ubelgiji, inaweza kufuzu pia licha ya kutoshiriki mechi hizo kutokana na kushiriki kwake mechi za Nations League ambapo walimaliza katika nafasi ya nne baada ya kufungwa 2-1 na Italia hapo jana.

Ubelgiji inayoongozwa na Roberto Martinez, iko pointi nane mbele ya timu inayoishikilia nafasi ya pili, jamhuri ya Czech pamoja na Wales huku kukiwa kumesalia mechi mbili tu.

UEFA Nations League Fußballspiel Italien vs. Belgien
Wachezaji wa Ubelgiji Kevin De Bruyne na Charles De KetelaerePicha: BRUNO FAHY/Belga/imago images

Iwapo Wales watapoteza pointi katika mechi yao ambayo hawajaicheza dhidi ya Estonia basi Ubelgiji watakuwa wamejihakikishia kumaliza katika nafasi ya kwanza kwenye hilo kundi lao.

Kwengineko England wanaweza kusogea karibu na kuiabiri ndege ya kuelekea Qatar pale watakapocheza na Hungary katika mechi yao uwanjani Wembley hapo kesho huku wapinzani wao wa karibu katika kundi lao Albania wakiwa wanapambana na Poland mjini Tirana.