Wageni wasioalikwa – Ugonjwa wa Malaria

Ugonjwa wa malaria ndio tisho kubwa barani Afrika. Huwaua watu wasiopungua milioni moja kila mwaka kote ulimwenguni. Asilimia 90 ya vifo vinavyosababishwa na malaria hutokea barani Afrika. Akinamama wajawazito na watoto ndio waliomo hatarini zaidi, na mara nyingi ni watu maskini wanaofariki kutokana na ugonjwa huu kutokana na kushindwa kumudu gharama za matibabu.

Na kama tujuavyo, kinga ni bora kuliko tiba. Baadhi ya viini vinavyosababisha ugonjwa huu huwa sugu na haviwezi kutibiwa na aina yoyote ya dawa. Lakini kuna njia rahisi ya kukinga ugonjwa huu. Kwa mfano kutumia vyandarua kukinga mbu au kuvalia mavazi marefu wakati wa usiku.

Lakini kwa mengi zaidi kuhusu mbinu za kukabiliana na ugonjwa wa malaria ungana nasi kwenye mfululizo wa vipindi hivi kuhusu ugonjwa wa malaria wakati tunafunga safari ya kukutana na familia moja barani Afrika katika juhudi yake ya kupambana na malaria.

Vipindi vya “Learning by Ear” Noa bongo Jenga Maisha yako - vinasikika katika lugha sita; Kiingereza, Kifaransa, Kiswahili, Kihausa, Kireno na Amharic. Vinafadhiliwa na wizara ya mambo ya nchi za kigeni ya Ujerumani