انتخاب عالم کا پریس کانفرنس سے خطاب
27 اکتوبر 2008
انتخاب عالم کا کہنا تھا کہ اگرشعیب اخترفٹنس حاصل کرنے پر زوردیں تووہ مزید تین سال تک کرکٹ کھیل سکتے ہیں۔ انتخاب عالم نے کہا کہ ٹیم کو یکجا کرکے کوچ اور کپتان کی مشاورت سے اچھا وننگ کمبینیشن تیارکیاجاسکتا ہے۔ انتخاب عالم کا کہنا تھا کہ سلیکشن کمیٹی کا ٹیم کے انتخاب میں اہم کردار ہوتا ہے اس لئے ٹیم سیلیکشن پر خصوصی توجہ دی جائے گی۔
پاکستان کرکٹ ٹیم کے نئے کوچ انتخاب عالم نے کہا کہ کوچنگ کورسوں سے زیادہ تجربے سے کھلاڑیوں کی کارکردگی کو جانچا جانا چاہئے۔ ان کے مطابق کہ کرکٹ بورڈ نے ان پر جوذمہ داری عائد کی ہےوہ اسے پورا کرنے کی بھرپور کوشش کریں گےاور وہ اس کے لئے کھلاڑیوں کو ڈسپلن کا پابند بنائیں گے اور ان کا اعتماد بحال کریں گے۔
پاکستان اور ویسٹ انڈیز کی ٹیموں کے مابین کھیلی جانے والی ابوظہبی کرکٹ سیریز کے حوالے سے ان کا کہنا تھا کہ وقت کی کمی کی وجہ سے ٹیم کا تربیتی کیمپ نہیں لگایا جا رہا روانگی سے قبل کھلاڑی ایک دو روز کے لئے کراچی میں اکٹھا ہونگے۔