جرمنی کی بہترین چاکلیٹ کون سی ہے؟

جرمنی ایک ایسا ملک ہے، جہاں کئی طرح کی چاکلیٹیں دستیاب ہیں۔ اب عام لوگوں کی جانب سے ان میں سے بہترین ذائقے کی حامل چاکلیٹوں کا ایک ٹیسٹ مکمل کیا گیا ہے۔

جرمنی میں پچیس مختلف القسم چاکلیٹیں دستیاب ہیں۔ یقینی طور پر ان کے اجزاء بھی انتہائی معیاری تصور کیے جاتے ہیں۔ اب دودھ سے تیار شدہ ان چاکلیٹوں کے ذائقوں سے متعلق ایک ٹیسٹ جرمنی ہی کی وارن فیسٹ فاؤنڈیشن نے مکمل کیا ہے۔ اس میں عام صارفین کو شامل کیا گیا تھا۔

جن اہم چاکلیٹوں کو صارفین نے چکھ کر اپنی رائے دی، ان میں لِنٹ، میرسی اور ملکا وغیرہ تو مشہور برانڈ ہیں لیکن ان کے ساتھ ساتھ مشہور سپر مارکیٹ کی تیار کروائی گئی غیر معروف برانڈ کی سستی چاکلیٹیں بھی شامل ہیں۔

وارن فیسٹ فاؤنڈیشن کے مطابق بہترین چاکلیٹ کی درجہ بندی کے لیےاُس کا ذائقہ، لطافت، خوشبو اور منہ میں رکھنے پر فوری پیدا ہونے والے احساس کو اہمیت دی گئی اور یہی اس کے بہترین ذائقے کی حامل ہونے کے اصول ہیں۔ اس ٹسیٹ میں یہ بھی دیکھا گیا کہ چاکلیٹ میں کتنی مقدار میں نقصان دہ اجزاء شامل کیے گئے ہیں۔ اس کے علاوہ اس کا بھی جائزہ لیا گیا کہ پیکنگ کے وقت چاکلیٹ کے ساتھ بیکٹیریا تو شامل نہیں ہوا۔

Kit Kat Riegel

ہترین چاکلیٹ میں اُس کا ذائقہ، لطافت، خوشبو اور منہ میں رکھنے پر فوری پیدا ہونے والے احساس اہم ہے

وارن فیسٹ فاؤنڈیشن نے ایک بہترین چاکلیٹ کی اہم ترین خوبی یہ بتائی ہے کہ وہ منہ میں رکھتے ہی کریمی ہونے کا احساس دے اور اس کے ساتھ ساتھ کوکو کا ذائقہ کیرامل جیسا ہو۔ اس کے علاوہ چاکلیٹ کی ایک ڈلی کی سطح بھی نرم اور ملائم ہونے کے ساتھ ساتھ اُس کو توڑنے پر اندر بلبلوں کے آثار بھی دکھائی نہیں دینے چاہییں۔

بہترین چاکلیٹ کونسی ہے؟

حیران کن طور پر فیئر ٹریڈ نامی ادارے کی چاکلیٹ ’گوٹے شوکولاڈے‘ یا گُڈ چاکلیٹ کو بہترین چاکلیٹ میں شمار کیا گیا۔ اس کے ساتھ ساتھ سویڈن کی مارابُر، میرسی کمپنی کی ایڈل راہم اور ملکا ایلپن مِلش کو بھی بہترین چاکلیٹ میں شمار کیا گیا۔ اس ٹیسٹ میں سپر مارکیٹ آلڈی پر دستیاب موزر روتھ کی چاکلیٹ کو بہترین چاکلیٹ کے قریب قرار دیا گیا۔

صارفین کے ٹیسٹ میں لنٹ چاکلیٹ کو مکمل دودھ کی ایک پیداوار ضرور قرار دیا گیا اور یہ بہترین کی صف میں شامل ہونے کی خوبیوں کی حامل بھی ہے لیکن اسے پہلی فہرست میں نہیں رکھا گیا۔ صارفین نے لِنٹ کے پوائنٹ میں اس وجہ سے کمی کی کہ اس کی ونیلا ذائقے والی چاکلیٹ اپنے بیان کے مطابق نہیں ہے۔ اس ٹیسٹ میں سب سے مہنگی چاکلیٹ بنانے والی کمپنی گوڈیوا کی ’ملک چاکلیٹ‘ کو سب سے کم پوائنٹس حاصل ہوئے۔ گوڈیوا کی ایک سو گرام کی چاکلیٹ تقریباً سات یورو یا آٹھ ڈالر کی ملتی ہے۔

ویڈیو دیکھیے 01:33
Now live
01:33 منٹ
ڈی ڈبلیو ویڈیو | 17.04.2017

لاس اینجلس میں ایسٹر کی خصوصی چاکلیٹس اور مٹھائیاں

موضوعات